बीरगंज महानगरपालिकाका प्रमुख बिजय कुमार सरावगीले पछिल्लो पटक अनलाईन संचारमाध्यमको प्रभाव बढेको बताउनु भएको छ ।

बीरगंजबाट संचालीत अनलाईन संचारमाध्यमका संचलकहरुसंगको छलफलमा महानगर प्रमुखले यस्तो बताउनु भएको हो । उहाँले अनलाई संचार माध्यमले पाठकको बिश्वास हासिल गर्न अझै बिषयबस्तुको  छनौट र प्रस्तुतीमा सन्तुलन कायम गर्न सक्नु पर्ने सुझाव दिनु भयो ।

बीरगंज महानगरपालिका अनलाईन संचारमाध्यमसंग साझेदारी गर्न इच्छुक रहेको बताउदै महानगरप्रमुख सरावगीले अनलाईन संचारमाध्यममा क्रियाशिल पत्रकारहरुको क्षमता अभिबृद्धिमा महानगरले सहयोग गर्ने इच्छा जाहेर गर्नु भयो । उहाँले महानगरको सन्दर्भमा राम्रोलाई राम्रो र नराम्रोलाई नराम्रो लेखेर सहकार्यकालागि आग्रह गर्नु भयो । उहाँले नराम्रोलाई नराम्रो लेख्दा पनि उद्धेश्य सुधारात्मक परिर्वतन होस भन्ने राख्न संचारकर्मीलाई आग्रह गर्नु भयो ।

ध्वंस गरेर, बिगारेर, भत्काएर मात्रै बन्छ भन्ने कुरा होइन गल्ती सुधार गर्न र थप गल्ती नगर्न उत्प्रेरित गर्न संचारमाध्यमले भूमिका खेल्नु पर्ने उहाँले बताउनु भयो । 

प्रमुख सरावगीले सबै संचार माध्यमको आफनो स्थान र  भूमिका छ नै तर अनलाईन संचार माध्यमको प्रभाव भने बढदो रहेकोे बताउनु भयो । म पनि केही अनलाईन हरु हेर्छु  मैले पनि केही अनलाईन सब्सक्राईब गरेको छु उहाँले भन्नु भयो “सबै म पनि हेर्दिन तर मलाई बिश्वास लागेका र सहि सूचना पाउछु भन्ने लागेका चाही हेर्छु । 

कार्यक्रममा नेपाल पत्रकार महासंघ प्रदेश २ का अध्यक्ष दीपेन्द्र चौहानले संचार माध्यमले आलोचना गरे वापत महानगरले सहयोग गर्नु पर्ने धाराणा ब्यक्त गर्नु भयो । उहाँले संचारमाध्यमलाई अनुदान दिने होइन काम गरेर त्यसको मूल्य पाउने वतावरण बनाउनु पर्नेमा जोड दिनु भयो ।

नेपाल पत्रकार महासंघ प्रदेश २ का उपाध्यक्ष के.सी.लमिछानेले अनलाईन संचार माध्यम र बीरगंज महानगरका वीचमा कन्टेन्टका आधारमा सहकार्य हुनु पर्नेमा जोड दिनु भयो । नेपाल पत्रकार महासंघ पर्साका अध्यक्ष श्याम बन्जाराले अनलाईन संचार माध्यमलाई केही रकम उपलब्ध गराउन महानगरलाई समस्या नहुनु पर्ने बताउनु भयो । 

कार्यक्रममा बोल्दै नगर प्रमुख सरावगीका प्रेस सल्लहाकार गोविन्द देवकोटाले अनलाइन र महानगर वीच सहकार्यका आधार के हुन सक्छन भन्ने बिषयमा छलफल आयोजना गरिएको बताउनु भयो ।

उहाँले महानगर आफैमा स्थानीय सरकार भएकोले एउटा लिपिवद्ध कार्यबिधिका आधारमा संचारमाध्यम संग सहकार्य गर्ने महानगरको चाहना रहेको बताउनु भयो । त्यसको मापदण्ड बनाउनकालागि पत्रकार साथीहरुले दिनु भएको सुझाव महत्वपूर्ण हुने उहाँको भनाई थियो ।

सल्लाहकार देवकोटाले कार्यविधि बनाएर फेरि पनि छलफलगरिने र त्यसपछि कार्यान्वयमा जाने बताउनु भयो ।  छलफल कार्यक्रममा बीरगंजबाट संचालनमा आएका अनलाईन पत्रकिाका संचालकहरुको सहभागिता रहेको थियो ।