अस्पतालमा बेड अभाव,घर बने आइसोलेशन वार्ड,महानगरले टाँस्न थाल्यो सूचना
पर्सामा १ सय ४६ जना कोरोना भाइरसका कारण संक्रमीतहरु आइसोलेशन बेड अभावमा होम आइसोलेसनमा बसेका छन ।
संक्रमीतहरु बसेको घरमा बीरगंज महानगरपालिकाले स्थानीयवासीलाई सतर्क रहन सूचना टाँसेको छ । ‘कोभिड–१९ पोजिटिभ केसको घर, होम आइसोलेसन सतर्क रहौँ’ लेखिएको सूचना महानगरपालिकाका स्वास्थ्यकर्मीले टाँसेका हुन् । अहिले सम्म ३० वटा घरमा यस्तो सूचना टाँसिएको महानगरपालिका स्वास्थ्य महाशाखाले जनाएको छ ।
बीरगंजमा आइसोलेशन वेड सहितको अस्पताल गण्डक अस्पतालमा ६१ जना बिरामीको उपचार भइरहेको छ । केही बेड लक्षण देखिएका बिरामीहरुलाई उपचारकोलागि जगेडामा राखिएको छ ।
बेड अभावका कारण कोरोना संक्रमीतहरु घरमै बस्न बाध्य भएका छन । स्थानीय ,प्रदेश तथा केन्द्र सरकारले थप आइसोलेशन बेड सहितको अस्पताल बनाउन कुनै जाँगर देखाएको छैन ।
स्थानीय रुपमा नेताहरुको काम भाषण गर्ने र माँग गर्ने बाहेक केही देखिएको छैन । यस्तो अवस्थामा महानगरले घर घर मै गएर “संक्रमीतको घर” भन्ने सूचना टाँस गरेर स्थानीयलाई सर्तक रहन सन्देश प्रवाह गर्दै छ ।
घर अगाडि सूचना टाँस भएपछि समुदायले थाहा पाउने र सर्तकता बढने ठान्नुहुन्छ वीरगन्ज महानगरपालिका स्वास्थ्य महाशाखा प्रमुख अरुण महतो
बीरगंजमा कोरोेना संक्रमणका मिश्रित केस देखा परेका छन । केहीमा लक्षण देखिन्छ केहीमा लक्षण छैन । लक्षण नभएकाहरुलाई सुरक्षीत रुपमा घरमै आइसोलेशन गरिएको र त्यसले अस्पतालमा लोड कम हुने उहाँको भनाई छ।
होम आइसोलसनमा बस्दा कोरोना संक्रमितले आइसोलेसनसम्बन्धी १४ बुँदे स्वास्थ्य मापदण्ड पालना गर्नुपर्ने हुन्छ । ‘वडा अध्यक्ष, नजिकका प्रहरी र स्वास्थ्यकर्मीको टिमले १४ बुँदे स्वास्थ्य मापदण्ड पालना गर्ने मन्जुरीनामा संक्रमित परिवारसँग गराउँछन्,’ स्वास्थ्य महाशाखा प्रमुख महतोले भन्नुभयो , ‘बिहान र साँझ स्वास्थ्यकर्मी संक्रमितको सम्पर्कमा हुन्छन् ।’
उहाँले यस्तो भने पनि संक्रमीतहरुले भने स्वास्थ्यकर्मीको कुनै पनि सेवा नपाएको गुनासो गरेका छन । संक्रमण पुष्टि भएका आइसोलेशन बेडको अभावमा घरमै रहेकाहरु सबैको सम्पर्कमा स्वास्थ्यकर्मी नपुगेको अवस्था रहेको छ ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मननपुरको बाँसघारीमा २४ किलो लागु औषध चरेस बरामद
वीरगन्ज । पर्साको पोखरियाबाट सशस्त्र प्रहरीले २४ किलो ५०० ग्राम लागूऔषध चरेस बरामद गरेको छ ।
मधेश प्रहरी प्रमुख आचार्य सहित ६ जना एआईजीमा बढुवा सिफारिश
काठमाडौं । मधेश प्रदेश प्रहरी प्रमुख प्रहरी नायव महानिरीक्षक(डिआईजी) लालमणि आचार्यलाई प्रहरी अतिरिक्त महानिरीक्षक(एआईजी) पदमा बढुवा सिफारिस गरिएको छ ।
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया