ठोरीमा पनि एक जनामा कोरोना भाइरसको संक्रमण पुष्टि,बिरामीलाई बीरगंज ल्याउदै
पर्साको ठोरी गाउपालिकाका एक जनामा कोरोना संक्रमण पुष्टी भएको छ। गापाको वडा ३ का ५३ वर्षीय एक पुरुषको पिसिआर रिपोर्ट आएसंगै उनमा कोरोना संक्रमण पुष्टी भएको हो।
गापाले गत श्रावण २६ गते उनीसंगै १९ जनाको स्वाव संकलन गरेर पिसिआर परीक्षणका लागि टेकु स्थित प्रयोगशाला पठाएको थियो। १९ जनामध्ये उनको रिपोर्ट पोजिटिभ आएको र अर्को एक जना पुरुषको स्वाव को रिपोर्ट नआएपछी पुन पठाउन लागिएको ठोरी गापाका स्वास्थ्य संयोजक रमेशराज थिङ्ले जानकारी दिनु भयो । बाँकी सबैको पिसिआर रिपोर्ट नेगटिभ आएको स्वास्थ्य संयोजक थिङ्ले जानकारी दिनु भयो ।
बाराको परवानीपुर स्थित एक उद्योगमा कार्यरत उहाँ श्रावण २१ ठोरी आउनु भएको थियो । ज्वरो आउने, रुघाखोकी लाग्ने लगायतका लक्षण देखिएपछी उहाँ आफै होम आइसोलेसनमा बस्नु भएको थियो ।
उहाँलाई थप उपचारको लागि बीरगंज स्थित हेल्थ केयर अस्पताल पठाउन लागिएको गापा स्वास्थ्य संयोजक थिङ्ले जानकारी दिनु भयो ।
यसैबीच हालसम्म ठोरीमा स्वास्थ्यकर्मी बाहेक क्वारेन्टाइन र होम आइसोलेसनमा रहेका २७० जनाको पिसिआर परीक्षण गरिएको छ।
गापाको विभिन्न क्वारेन्टाइनमा रहेका २१४ जना र होम आइसोलेसनमा रहेका ५६ जनाको पिसिआर परीक्षण गरिएको गापा कार्यालयले जनाएको छ। पिसिआर परिक्षण गराएकाहरु मध्ये २ जनामा कोरोना संक्रमण पुष्टी भएको छ।
२ जना मध्ये आइतवार अबेर ठोरीका ५० बर्षीय पुरुषमा कोरोना संक्रमण पुष्टी भएको छ भने अर्का सरस्वती मावि ठोरी क्वारेन्टाइनमा रहेका ५६ बर्षीय इलामका पुरुषमा यस अघि नै कोरोना संक्रमण पुष्टी भएको थियो। उहाँ गत श्रावण २८ गते नै अस्थायी कोरोना अस्पताल गण्डकबाट कोरोना संक्रमण निको भएर इलाम गईसक्नु भएको छ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मननपुरको बाँसघारीमा २४ किलो लागु औषध चरेस बरामद
वीरगन्ज । पर्साको पोखरियाबाट सशस्त्र प्रहरीले २४ किलो ५०० ग्राम लागूऔषध चरेस बरामद गरेको छ ।
मधेश प्रहरी प्रमुख आचार्य सहित ६ जना एआईजीमा बढुवा सिफारिश
काठमाडौं । मधेश प्रदेश प्रहरी प्रमुख प्रहरी नायव महानिरीक्षक(डिआईजी) लालमणि आचार्यलाई प्रहरी अतिरिक्त महानिरीक्षक(एआईजी) पदमा बढुवा सिफारिस गरिएको छ ।
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया