वीरगञ्ज । राष्ट्रिय भूमि आयोगले पर्साले १ सय ५७ जना भूमिहिन सुकुम्बासी परिवारलाई जग्गा धनी पूर्जा बितरण गर्ने भएको छ ।

आउदो बैशाखमा पर्सागढी नगरपालिकामा १ सय ५७ जनालाई लालपुर्जा दिन लागिएको आयोगका पर्सा अध्यक्ष तबरेज अहमदले बताए । उनले भने,‘पर्सागढी नगरपालिकामा लालपुर्जा बाँडने तयारीमा छौं, नाप नक्सा भइसकेको छ ।

अब केही बाँकी प्रक्रिया पु¥याएर बैशाखमा सूचीकृत भएकाहरुलाई जग्गाको लालपुर्जा बाडिन्छ ।’

पर्सा जिल्लामा भूमिहीन दलित, भूमीहिन सुकुम्बासी र अव्यवस्थित बसोबासीका गरी ६ हजार ८ सय ८९ जना सूचीकृत भएको आयोगले जनाएको छ ।

ठोरी, सखुवा प्रसौनी गाउँपालिका, बहुदरमाई नगरपालिका,पर्सागढी नगरपालिका र बीरगंज महानगरपालिकामा सूचीकृत भएका सुकुम्वासीहरुको संख्या हो ६ हजार ८ सय ८९ । अन्य स्थानीय तहहरुको प्रथामिकतामा सुकुम्बासी नागरिकको समस्या प्रथामिकतामा परेको छैन ।

स्थानीय तहहरु किन उदासीन छन थाहा छैन भूमी आयोगका अध्यक्ष तबरेज अहमद भन्छन “ भूमिहिन आफना नागरिकलाई जमिनको मालिक बनाउने भन्दा अर्को राम्रो काम के हुन्छ र ? ।

सूचीकृत भएका मध्य भूमिहीन दलित १ हजार ३ सय ६३ रहेका छन । सबैभन्दा बढी पर्सागढी नगरपालिकामा ७ सय ७२ भूमिहिन दलीत सूचीकृत भएका छन ।

भूमिहिन सुकुम्बासीको संख्या २ हजार ५ सय ७७ रहेको छ । सबैभन्दा बढी ठोरीमा १ हजार ७ सय ४० जना मूमिहनि सुकुम्बासी रहेका छन । अव्यवस्थित बसोबासीमा २ हजार ९ सय ४९ जना रहेकोमा सबैभन्दा बढी ठोरीमा १ हजार ९ सय ६ जना सूचीकृत भएका छन् ।

आयोगले सोमवार बीरगंजमा पत्रकार सम्मेलनको आयेजना गरेर भूमिहनि सुकुम्बासी नागरिकको समस्या समाधान गर्न स्थानीय सरकारहरुलाई सम्बेदनशिल हुन आग्ह गरेको छ ।

कार्यबिधि अनुसार स्थानीय सरकारले प्रमाणीकरण गरि सिफारिश गरेपछि मात्र आयोगले जग्गाधनी प्रमाण पूर्जा बितरण गर्ने भएकोले स्थानीय तहले काम नगर्ने हो भने आयोगले केही पनि गर्न नसक्ने आयोेगका अध्यक्ष अहमदले बताए ।

सुकुम्बासी नागरिकलाई जग्गाधनी पूर्जा उपलबध गराउनकालागि पर्साको उतरी भेगका स्थानीय तहहरु गम्भिर रहेका छन । ठोरी गाउँपालिका, सखुवाप्रसौनी गाउँपालिका, पर्सागढी र बहुदरमाइ नगरपालिका तथा बीरगन्ज महानगरपालिकामा भूमिहिन नागरिकको सूचीकरण भएको छ ।

अन्य स्थानीय तहको प्रथामिकतामा यो काम नपरेकोले भूूमिहिन सुकुम्बासीहरुको तथ्याक समेत संकलन भएको छैन । यसो त १० वटा स्थानीय तहले यो समस्या समाधान गर्नकालागि समझौता गरेका छन ।

तर केहीले काम भने फिटिक्कै गरेका छैनन । राजनीतिक दलका जिल्ला स्तरको नेतृत्वलाई समेत राखेर सुकुम्वासी समस्याको हल खौजन कोशीस गर्दा समेत परिणाम आशा गरेजस्तो नआएको अहमदको भनाई छ ।

ठोरी र पर्सागढीमा तीनवटै किसिमका भूमिहीनको संख्या रहेको देखिन्छ । तथ्यांक अनुसार ठोरीमा भूमिहीन दलितमा २६, भूमीहिन सुकुम्वासी १७ सय ४० र अव्यवस्थित बसोबासीमा १९ सय ६ जना सूचीकृत भएका छन् ।

यसैगरी पर्सागढीमा भूमिहीन दलितको संख्या ७ सय ७२, भूमीहिन सुकुम्वासी ३ सय ५७ र अव्यवस्थित बसोबासीमा ५ सय ५४ जनाको संख्या छ । सबैभन्दा कम भूमीहिनको संख्या बीरगन्ज महानगरमा देखिएको भूमि पर्सा आयोगको तथ्यांकमा छ ।

अधिकांश पालिकाहरुले दलित तथा भूमीहीनहरुका हकमा सहयोग नगरिरहेको हुनाले उनीहरुको समस्या समाधानमा अप्ठयारो आइरहेको भूमि आयोग पर्साका अध्यक्ष अहम्मदको भनाइ छ ।