अलौबासी रिले अनशनमा ,टाउकोमा टाँका लागेका लामिछाने पनि सडकमा

इसीमाना सम्वाददाता २०८१ असोज २१ गते ०९: ५६ मा प्रकाशित 288 पटक पढिएको

बीरगंज । पानीको निकासका बिषयमा बीरगंज महानगरको वडा नं १७ मा असामान्य अवस्था बन्यो । बीरगंज महानगरका प्रमुख राजेशमानसिंह गम्भिर बिवादमा तानिए ।

उनको सहभागितामा स्थान्ीयहरुले कुटाई खाए । सुर्दशन लामिछानेको टाउकोमा ६ वटा टाँका लागेको छ । ७२ वर्षिय शिवओम लामिछाने जो नेपाली कांग्रेसका बुथ सभापति हुन ।

स्थापीत समाजिक कार्यकर्ता समाजकालागि पाका र आदरणीय ब्यक्तित्व हुन । महानगरप्रमुखले आफनो कलर समातेर अपमान र दूब्र्यवहार गरेको उनले आक्रोशपूर्ण आरोप छ ।

महानगर प्रमुखको तर्फबाट घटनाको बिषयमा कुनै सार्वजनीक टिप्पणी गरिएको छैन । मासिक हजारौ रकम खर्चेर परिचालन गरिएको महानगरप्रमुखको सचिवालयले यस बिषयमा कुनै धारणा सार्वजनीक गरेको छैन ।

सचिवालयका मान्छेहरु सोमवार आफना घरायसी र परिवारिक काममा ब्यस्त भएका टिप्पणीहरु संचार माध्यममा सार्वजनीक भएका छन ।

अलौका नागरिक भने महानगर प्रमुखले जनप्रतिनिधिको भूमिका निर्वाह गर्न नसकेको भन्दै उनको बिरोधमा रिले अनशनमा उत्रिएका छन ।टाउकोमा ६ वटा टाँका लागेको सुर्दशन लामिछाने पनि अनशनमा छन ।

महानगरप्रमुखले नागरिकको अपेक्षालाई सम्बोधन गर्न सुझबुझपूर्ण काम गर्न नसकेको आरोप उनीहरुको छ । महानगरप्रमुखले अलौका नागरिक संग सम्बादका माध्यमले बिवादको हल निकाल्न अगुवाई गर्नु पर्ने उनीहरुको माँग छ ।

गत १० गते देखी १२ गते सम्म परेको पानी अलौको उत्तर तर्फ अठराह सुगौली तर्फ जमेको र त्यसको निकासको खोजीको क्रममा अलौ तर्फ पानीको बहाव गर्दा अलौका नागरिकको घरमा पस्ने र धानवाली डुवानमा पर्ने भएकोले समस्या देखा परेको हो ।

सुगौली रअलौ दुबै तर्फको आवास वाली जोगिने गरि बिकल्प खोजन महानगरप्रमुखले ध्यान नदिएको अलौबासीको गुनासो रहेको छ ।