स्थानीय प्रहरीको इमान माथि शंका , गाँजा खेती नष्ट गर्दै माथिल्लो निकाय

इसीमाना सम्वाददाता २०८१ कार्तिक ११ गते ०२: ५० मा प्रकाशित 147 पटक पढिएको

बीरगंज । स्थानीय प्रहरीको लापरवाहीका कारण पर्साको ग्रामीण क्षेत्रमा तस्करहरुले गाँजा खेतीको प्रयास गरेका छन । स्थानीयले दिएको सूचनाको आधारमा प्रहरीले गाँजा फडानी गरेको पर्सा प्रहरीले बिज्ञप्ति जारी गरेरै जनाएको छ ।

गाँजा खेती उन्मुलन भएको पर्सामा छिटफूट गाँजा खेतीको प्रयास हुनुको पछाडिको रहस्य खोजी गर्न प्रहरीले सुक्ष्म अनुसन्धान गर्न आवश्यक रहेको स्थानीय बुद्धिजीवीहरुको भनाई छ ।

प्रहरीले पटेर्वा सुगौलीको वडा नं २ थरघट्टीमा गाँजा फडानी गर्यो । थरघट्टी आदीवासी धाँगड जातिको बसोबास भएको गाउँ हो । त्यस्तै प्रहरीले पर्सागढी नगरपालिकाको वडा नं. १ गुलरिया र वडा नं ३ झबराहामा लगाईएको प्रतिबन्धित गाँजाखेती नष्ट गरेको छ ।

आदीवासी थारु समुदायको सघन बसोबास भएको गाउँ हो । पटेर्वा सुगौलीबाट खटेको प्रहरीको टोलीले २ बिघा क्षेत्रफलमा लगाइएको १५ हजार बोट नष्ट गरेको जनाएको छ । थरघट्टी रंगपुर टाँडीमा रहेको प्रहरी चौकीको कार्यक्षेत्रमा पर्छ भने मनवा प्रहरी चौकीको कार्यक्षेत्रमा गुलरीया पर्छ ।

त्यस्तै बढनिहारमा रहेको प्रहरी चौकीको कार्यक्षेत्रमा झवराह पर्छ । स्थानीय रुपमा रहेका प्रहरी युनिटले आफ्नो क्षेत्रमा प्रतिवन्धित गाँजाको खेती भएको चाल नपाउने अनी टाढा रहेको इलाका प्रहरीले थाहा पाउने कुरा नै अचम्म लाग्दो छ ।

स्थानीय युनियटमा रहेका प्रहरीको इमान र ब्यवसायीक निष्ठामाथि शंका उत्पन्न हुने गरि गाँजा खेतीको प्रकरण सार्वजनीक भएको छ ।

गाँजा खेतीमा सलंग्न व्यक्तिहरूको पहिचान तथा खोजतलास भईरहेको र उनीहरुलाई कानून बमोजिम कारवाही हुने पर्सा प्रहरीले जनाएको छ ।