कानून कार्यान्वयनमा तीनै तहको समान्वयात्मक भूमिका आवश्यक रहेको राष्ट्रियसभाकी उपाध्यक्ष दाहालको भनाई
राष्ट्रिय सभाकी उपाध्यक्ष शशीकला दाहालले महिला हिंसा न्यूनीकरणका लागि ऐन कानूनको प्रभावकारी कार्यान्वयनमा तीनवटै तहको सरकारको समन्वयको आवश्यकता रहेको बताउनुभएको छ । स्थानीय जनप्रतिनिधिहरुसँग भेटघाट गर्ने सिलसिलामा आज वीरगन्ज महानगरपालिका आईपुग्नुभएकी उपाध्यक्ष दाहालले अहिले निर्माण भएका ऐन कानूनहरुको प्रभावकारी कार्यान्वन नहुँदा नै महिला हिंसाका घटनाहरु हुने गरेको बताउदै प्रभावकारी कार्यान्वयनमा तीनवटै तहको सरकारको समन्वयात्मक भूमिका हुनुपर्नेमा जोड दिनुभएको हो ।
वीरगन्ज महानगरपालिकाका जनप्रतिनिधिहरुसँग भएको भेटमा उपाध्यक्ष दाहालले स्थानीय तहले महिलाहरुको विषयमा संचालन गरिएको कार्यक्रमहरुको बारेमा जानकारी समेत लिनुभएको छ । भेटका क्रममा वीरगन्ज महानगरपालिकाका प्रमुख विजय कुमार सरावगीले महिला हिंसा अन्त्यका लागि बनेका कानूनहरुलाई प्रभावकारी कार्यान्वयन गर्न स्थानीय तह प्रतिवद्ध रहेको र कतिपय महिलाहरुको क्षमता विकास पनि गर्नुपर्ने आवश्यकता रहेकोले त्यसतर्फ ध्यान केन्द्रीत गरेको बताउनुभयो ।
नगरप्रमुख सरावगीले महानगरपालिकाले महिलाहरुको क्षमता विकास, आर्थिक रुपमा सम्पन्न बनाउनकै लागि महिला लक्षित विभिन्न सीपमूलक आयआर्जनका कार्यक्रमहरु पनि संचालन गरेको जानकारी दिदै महिलाहरुलाई आर्थिक रुपमा आत्मनिर्भर बनाउन सकेमा महिला हिंसा न्यूनीकरणमा सहयोग पुग्ने बताउनुभयो । महानगरपालिकाकी उपमेयर एवं न्यायिक समितिकी संयोजक शान्ति कार्कीले न्यायिक समितिमा कार्यसम्पादन गर्दा भएका कानूनहरु कार्यान्वयनमा प्रदेश सरकार र संघ सरकारले पनि सहयोग गर्नुपर्ने बताउनुभयो ।
महिला सदस्यहरुले छोरीहरु माथि अझैपनि हिंसा नरोकिएको गुनासो गर्दै अझै विभिन्न बाहानामा छोरीचेलीहरुले ज्यान गुमाउनु पर्ने घटनाहरु रोक्नुपर्ने बताए । उपाध्क्ष दाहाललाई महानगरपालिकाका नगर प्रमुख सरावगीले अहिलेसम्म महानगरले गरेको विभिन्न गतिविधिहरुको बारेमा जानकारी गराउनुभएको थियो ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
महानगरको कार्यवाहक प्रमुखमा आलम, कर्मचारीले गरे राहतको अनुभव
वीरगञ्ज । वीरगञ्ज महानगरपालिकाका उपप्रमुख इम्तियाज आलमले कार्यवाहक नगरप्रमुखको जिम्मेवारी सम्हालेका छन ।
बिग्रिएको एक इभी हाइसले ठक्कर दिँदा ५५ वर्षीया महिलाको ज्यान गयो
सर्लाही । सर्लाहीको बागमतीमा आइतबार बिहान बिग्रिएको एक इभी हाइसले ठक्कर दिँदा एक महिलाको घटनास्थलमै मृत्यु भएको छ । अर्की एक महिला गम्भीर घाइते भएकी छिन्।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया