काठमाडौं २१ चैत । नेपालमा हालसम्म ६ जनामा मात्र कोरोना भाइरसको संक्रमण भेटिएको छ। छैटौं संक्रमित बिरामीको विषयमा बिहीबार जानकारी दिइएको हो।
शुक्रबार थप नयाँ संक्रमित नभेटिएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिनु भयो ।
मन्त्रालयको नियमित कोरोना ब्रिफिङका क्रममा डा. देवकोटाले हालसम्म नेपालमा ६ जनामा मात्र संक्रमण देखिएको जानकारी दिनु भएको हो ।
शुक्रबार पोखरामा नयाँ संक्रमित भेटिएको समाचार सार्वजनीक भएको थियो। डा देवकोटाले पोखरामा पोजेटिभ केस नदेखिएको जानकारी दिनु भएको हो ।
उहाँका अनुसार शुक्रबार सवा ४ बजेसम्म १२ सय ७७ जनाको कोरोना परीक्षण गरिएको छ।
यस अघि पोखरा स्वास्थ्य विज्ञान प्रतिष्ठानले गरेको परीक्षणमा कोरोनाको संक्रमण पोजेटिभ देखिएको गण्डकी प्रदेश सरकारले जनाएको थियो। पोखरामा स्थापना भएको प्रयोगशालामा संक्रमण पोजेटिभ देखिए पछि थ्रोट स्वाबको अर्को परिक्षण पनि हुने भन्दै केन्द्रीय प्रयोगशालामा पठाइएको समाचार सार्वजनीक भएको थियो ।
तपाईको प्रतिक्रिया