प्रभु सिटी स्क्यान सेवाको शुभारम्भ, सेवाग्राहीले गुणस्तीय सेवा पाउने

इसीमाना सम्वाददाता २०८० सावन ३२ गते ०९: ३५ मा प्रकाशित 471 पटक पढिएको

वीरगंज । वीरगन्जमा बिहवार देखी प्रभु सिटी स्क्यान सेवाको शुभारम्भ भएको छ । वीरगन्ज महानगरपालिका वडा नम्बर ४ र ८ का वडा अध्यक्षहरु जगत साह कानु र रितेश कुमार गुप्ताले संयुक्त रुपमा सेवाको शुभारम्भ गरेका हुन।

सिटी स्क्यान सेण्टरमा सर्वशुलभ शुल्कमा विभिन्न खालका बिरामीहरको सिटी स्क्यान सेवा उपलब्ध हुने सञ्चालक डाक्टर निरञ्जन साहले बताए ।

सिटी स्क्यान सेण्टरमा होलबडी सिटी स्क्यान, कन्ट्रास्ट एन्जियोग्राफी, सिटी गाईडेड सम्पूर्ण सेवा उपलब्ध हुने एमडी रेडियोलोजी डाक्टर डम्बर साहले बताए ।

उनका अनुसार सिटी स्क्यान सेण्टरमा विभिन्न रोगहरु पत्ता लगाउने अत्याधुनिक प्रविधि सहितको उपकरण जडान गरिएको र एफएनएसी/बायोप्सीका लागि समेत सेवा सुविधा उपलब्ध हुनेछन ।

सेवा सञ्चालनसँगै बारा, पर्सा लगायतका बिरामीहरुलाई भरतपुर, काठमाडौं लगायत भारतका विभिन्न सहरहरुमा जानुपर्ने बाध्यताको पनि अन्त्य भएको डाक्टर साहको भनाई छ ।

पानी टंकी जाने ब्यारेक रोड स्थित प्रभु हस्पिटल नजिकै प्रभु सिटी स्क्यान सेवा आजदेखि सञ्चालनमा आएको हो ।

कार्यक्रममा प्रभु हस्पिटलका सञ्चालक डाक्टर मनोज कुमार गुप्ता, लक्ष्मी थापा (गुप्ता) लोसपाका नेता नेजामुद्दीन समानी, एमालेका नेता शम्भु गुप्ता, अधिवक्ता शालिकराम प्रसाद लगायतको उपस्थिति रहेको दिलिपराज कार्कीले जानकारी दिए ।