नारायणी अस्पताललाई मानव अधिकार समाजको ध्यानाकर्षण पत्र, सेवामा सुधार ल्याउन अपिल

इसीमाना सम्वाददाता २०८० सावन ४ गते ०८: ४९ मा प्रकाशित 459 पटक पढिएको

वीरगंज । स्वतन्त्र मानव अधिकार समाजको केन्द्रीय समितिले नारयाणी अस्पतालका मेडिकल सुपरिटेण्डेण्ट डाक्टर चित्तरन्जन साहलाई बहिवार एक ध्यानाकर्षण पत्र बुझाएको छ ।

नारायणी अस्पतालले दिदै आएको सेवाको गुणात्मकता र प्रभावकारीताको बिषयमा देखिएको कमजोरी औल्याउदै सुधारको अपेक्षा राखेर ध्यानाकर्षण पत्र बुझाएको समाजका केन्द्रीय अध्यक्ष कृष्ण खनालले बताए ।

अस्पतालमा चिकित्सकले लेखेको औषधी फारमेसीले नदिने , फरक कम्पनीको उत्पादन दिने समग्रमा औषधी उपलब्ध गराउने बिषयमा फारमेसीले गैरजिम्मेवार काम गर्दै आएको भन्दै समाजले त्यसमा सुधार गर्नु पर्ने बिषय उठान गरेको छ ।

अस्पताल हाता भित्र रहेको फारमेसी, साझा औषधी पसल र अस्पताल बाहिर रहेका औषधी पसलहरुमा एउटै औषधीको फरक फरक रकम लिने गरेको पाइएको भन्दै मूल्यमा देखिएको बिविधता अत्यन्तै डरलाग्दो बिषय भएको समाजले बताएको छ ।

अस्पतालको सेवाप्रवाह र औषधीको आपूर्तीमा देखिएको समस्या हल गर्न आवश्यक रहेको समाजले औल्याएको छ ।समाजले बिमा गराएका बिरामीहरुले पाउने सुविधामा लापरवाही हदै आएको आरोप लगाएको छ ।

बिमा वापतकोउपचार गराउदै आएका बिरामीलाई औषधीको बिल समेत नदिने गरिएको गम्भिर आरोप समाजले लगाएको छ । अस्पतालमा देखिएका यी र यस्तै समस्याको हल खोज्दै समाजले ध्यानकर्षण पत्र बुझाएको हो ।