वीरगंज। जिल्ला प्रशासन कार्यालय पर्सामा सेवा लिन आउने सुत्केरी महिलाहरुले स्तनपान कक्षको अभावमा समस्या भोग्नु परेको छ । जिल्ला प्रशासन कार्यालय पर्सामा करिव ७ करोडको लागतमा सुविधा सम्पन्न नयाँ भवन बनाइएको भएपनि त्यसमा स्तनपान कक्षको भने ब्यवस्था गरिएको छैन ।

सेवाग्राही महिला र बालबालिकाको सुविधाका साथै उनीहरूलाई सिकाईमा प्राथमिकता दिन स्तनपान कक्षको स्थापना गर्ने गरिएको छ । स्तनपान कक्षमा बालबालिकाका लागि खेल्न सुत्न र बस्नका लागि चाहिने सबै सामानको समेत उपलब्धता हुने गर्दछ ।

नागरिकता, पासपोर्ट , नाता प्रमाणीत लगाएतका सेवा लिन आउँदा बालबालिका लिएर आउने महिलाले छोरा छोरीलाई दुध खुवाउन असहज हुने गरेको सेवाग्राहीको भनाई छ । तराई प्रचण्ड गर्मीमा एउटा कामको सास्ती अर्कोमा आफना नानी बाबुलाई गर्मीमा यत्र तत्र बसेर स्तनपान गराउनु पर्ने बाध्यत ।

नागरिकता बनाउन आएकी पोखरिया नगरपालिका वडा नं ५ की २२ वर्षिया रिमा पटेलले स्तपान कक्षको अधावमा निकै समस्या खेप्नु परेको बताइन ।

सेवा लिन आउदा एक त काम छिटो छरितो हुदैन त्यसमा पनि प्रचण्ड गर्मी श्रीमान श्रीमती नै दुईदिन देखी धाइरहेका छौ त्यसमाथि दुधेबालकलाई बेला बेलामा दुग्ध खुवाउनु पर्छ बसेर दुग्ध खुवाउने ठाउ समेत भएको भन्दै दिग्दारी पोख्छिन ।

वीरगंज महानगरपालिकाको वडा नं ११ रानीघाटकी २३ वर्षिया ललिता देवीको पनि पीडा उस्तै छ । उनका श्रीमान श्रीमती नागरिकताको लाइनमा छन । दुधे बालकलाई लिएर ससुरा प्रशासन कार्यालय अगाडिको सानो छाहारीमा बसेका छन । काम नुहदाको आक्रोश त छदैछ । गर्मीका कारण आएको पसनिाले गर्दा बचचाले राम्रोसंग दुग्ध खान नपाएको उनको गुनासो छ ।

पटेर्वा ुगौली गाउँपालिका वडा नं १ कंचनपुर की २४ वर्षिया फतमा खातुनको पनि समस्या त्यही नै छ । उनले बच्चालाई दुध खुवाउनकालागि सामान्य ठाउ समेत नभएको भन्दै गुनसो गरिन ।

सार्वजनिक तथा निजी सङ्घसंस्थामा स्तनपान कक्षको व्यवस्था गर्नुपर्ने ऐनमा उल्लेख छ । तर पर्सा जिल्लाका अधिकाङ्श सरकारी तथा गैरसरकारी संस्थामा यसको व्यवस्था छैन । नयाँ बन्दै गरेका पूर्वाधारहरुमा समेत स्तनपान कक्षको ब्यवस्था नगरिएको प्रति महिलाअधिकारकर्मीहरुकोे गुनासो छ ।

कार्यालयमा कार्यरत महिला कर्मचारी तथा सेवा लिन आउने सेवाग्राहीका बच्चालाई स्तनपान गराउन सहज होस् भनेर कार्यालमै कक्षको स्थापना गर्नुपर्ने व्यवस्था भए पनि जिल्लाका अधिकाङ्श कार्यालयमा यसको अभ्यास भएको पाइँदैन ।

स्तनपान नवजात शिशुको अधिकार र आमाको कर्तब्य भए पनि व्यवस्थित कक्ष सञ्चालन नहुँदा महिलाहरूले खुल्ला स्थानमा असहजरूपमा स्तनपान गराउनु पर्ने बाध्यता छ । सहायक प्रमुख जिल्ला अधिकारी भिमकान्त पौडेलले सेड निर्माणको काम हुदै गरेको र त्यतीबेला स्तनपान कक्षको ब्यवस्था गरिने जानकारी दिए ।