बीरगंज पथलैया औधोगिक करिडोर स्थित छाता पिपरा–४, बारामा नवनिर्मित एभरेष्ट प्यारेन्टेरल्स प्रा.लि.ले नेपालमै पहिलो पटक भाइरस ट्रान्सपोर्ट मिडिया (भि.टि.एम.) को उत्पादन सुरु गरेको हो ।
मुख तथा नाकबाट लिइएको स्वावलाई परीक्षणका लागि ल्याबसम्म सुरक्षित रुपमा पुर्याउन भिटिएमको प्रयोग हुन्छ । कोभिड–१९ को महामारीमा पिसिआर टेष्टका लागि नभइ नहुने भि.टि.एम.का लागि हालसम्म अरु मुलुकको मुख ताक्नुपर्ने अवस्था थियो ।
भिटिएम अभावमा स्वाब परिक्षण समेत प्रभावित हुदै आएको समाचारहरु आइरहेको बेलामा भिटिएमको उत्पादनले निकै महत्व राख्दछ ।
एभरेष्ट प्यारेन्टेरल्स प्रा.लि.ले दैनिक १० देखि १५ हजार ट्युव भि.टि.एम. उत्पादन गर्न सक्छ । यसका अलवा इन्जेक्टेवल्स, सलाइन, आइड्रप्स तथा नेजल स्पे्र जस्ता औषधिहरु बजारमा ल्याउने तयारी गरिरहेको छ।
एभरेष्ट प्यारेन्टेरल्स का प्रवन्ध निर्देशक उमङ्ग राणासरियाले पटक पटक भिटिएम अभावको कारणले गर्दा पिसिआर परीक्षणमा वाधा परिरहेको अवस्थामा नेपालमै उत्पादन सुरु गरेको बताउनु भयो ।
न्युनतम मूल्यमा उच्च गुणस्तरको भिटिएम उपलब्ध गराउने उहाँले अठोट ब्यक्त गनुृ भयो। उच्च स्तरीय प्रयोगशाला समेत भएकाले प्रत्येक व्याचको परीक्षण हुने तथा अन्य क्षमतायुक्त बाहिरका ल्याबमा समेत परीक्षण गराएपश्चात् मात्र भिटिएम बजारमा पठाइने उहाँले बताउनु भयो ।’
अमेरिकाको कोरोना सम्बन्धि भिटिएमको निर्देशिकाको पूर्ण पालना गरी बनाइएको तथा प्रयोग हुने कच्चा पदार्थदेखि उत्पादन तथा वितरणको अन्तिम चरणसम्म २ देखि ८ डिग्री सेल्सीयस तापक्रमको कोल्ड चेनको पूर्ण पालना गरिने हुनाले भिटिएम गुणस्तरीयता तथा प्रभावकारीता युक्त रहेको उधोगले दावी गरेको छ।
तपाईको प्रतिक्रिया