एमालेको डुमरवाना र शुकलैयामा जनभेला सम्पन्न
सिमरा, ७ जेठ
नेकपा (एमाले) को स्थानीय निर्वाचन अभियान अन्तरगत आइतवार जीतपुरसिमरा उपमहानगर वडा नं. १५ को डुमरवाना चौधरीटोल र शुकलैयामा जनभेला सम्पन्न भएको छ ।
डुमरवाना चौधरीटोलमा आयोजित जनभेलालाई सम्वोधन गर्दै एमालेका केन्द्रीय कृषि तथा भूमिसुधार विभागका सदस्य पलट चौधरीले कृषिमा वैज्ञानिकीकरणमार्फत किसानहरुको जीवनस्तरमा परिवर्तन ल्याउने र समग्र विकासमा सुधार ल्याउन सकिने बताए । एमालेले किसान र मजदुरहरुको पार्टीको रुपमा काम गरिरहेको बताउदै चौधरीले गांऊको विकासका लागि एमालेले जित्न जरुरी रहेको बताए ।
कार्यक्रममा बोल्दै एमाले जिल्ला सचिवालय सदस्य एवम् सहकारी अभियन्ता डा. कृष्ण पौडेलले पहिलो चरणको स्थानीय निर्वाचनले एमालेलाई सबैभन्दा ठुलो शक्तिको रुपमा स्थापित गरेको बताउदै दोस्रो चरणको निर्वाचनमा थप सफलता हासिल गर्ने बताए । एमालेलाई हराउनका लागि सत्ताको चरम दुरुपयोग भएको र ठांउठांउमा हिंसा र बल प्रयोगको घटनाको कारण कांग्रेस र माओवादीले केही सिट जितेको डा. पौडेलले बताए । राष्ट्रियता, व्यवस्थित जनजिविका र समृद्धिका सन्दर्भमा खेलेको भूमिकाको कारण जनताले एमालेप्रति भरोसा गरेको बताउदै डा. पौडेलले आगामी निर्वाचनमा बहुमत प्राप्त गर्ने बताए ।
एमालेका जेष्ठसदस्य महेन्द्र चौधरीको अध्यक्षतामा सम्पन्न भेलामा एमाले जिल्ला निर्वाचन परिचालन कमिटी सदस्य रुपलाल चौधरी, वडा कमिटी अध्यक्ष एवम् वडा नं. १५ का वडाअध्यक्ष उम्मेदवार राजकुमार अर्याल, वडाका उम्मेदवारहरु नारायणदत्त अधिकारी, थलराज न्यौपाने, बालकुमारी चौधरी, नगर कमिटी सदस्यहरु महादेव चौधरी र प्रल्हाद साहलगायतले मन्तब्य ब्यक्त गरेका थिए ।
भेलाले भगु चौधरीको अध्यक्षतामा २१ सदस्यीय एमाले चुनाव प्रचार समितिसमेत गठन गरेको छ ।
त्यस्तै आजै १५ नं. वडाको शुकलैयामा पनि एमालेको जनभेला सम्पन्न भएको छ । जेष्ठ नागरिक रामबहादुर नेपालीको अध्यक्षतामा सम्पन्न भेलामा प्रदेश कमिटी सदस्य भरत खडका, जिल्ला सचिवालय सदस्य, सहकारी तथा सामाजिक अयिभन्ता डा. कृष्ण पौडेल, जिल्ला सदस्य एवम् वडा सदस्य उम्मेदवार लक्ष्मी नेपाली, वडाअध्यक्ष उम्मेदवार राजकुमार अर्याल, वडा सदस्य उम्मेदवारहरु नारायणदत्त अधिकारी, थलराज न्यौपाने र बालकुमारी चौधरी, नगर कमिटी सदस्य प्रल्हाद साह, वडा कमिटी उपाध्यक्ष केदार सापकोटालगायतले मन्तब्य ब्यक्त गरेका थिए । कार्यक्रमको सहजीकरण सीमा ठकुरी र स्वागत नारायण पोखरेलले गर्नुभएको थियो । भेलाले दीपेन्द्र ढकालको नेतृत्वमा २१ सदस्यीय शुकलैया निर्वाचन परिचालन कमिटी गठन गरेको थियो ।
सम्बन्धित शीर्षकहरु
सीमापारी/अन्तराष्ट्रिय
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
रौतहटमा दुर्घटनापछिको तनाव, क्षतिपूर्तिको माग गर्दै पूर्व–पश्चिम राजमार्ग अवरुद्ध
रौतहट । रौतहटको चन्द्रनिगाहपुरस्थित मोथियाही पुल नजिकै शनिबार दिउँसोदेखि मृतकका आफन्तले पूर्व–पश्चिम राजमार्ग अवरुद्ध पारेका छन्।
हेटौंडामा भोलिदेखि देखि सडक विस्तारः २५/२५ गजभित्रका संरचना हटाइने,२५ वटा डोजर र २५ वटा अन्य मेसिन प्रयोग हुने
हेटौंडा । भोलिदेखि हेटौंडाको रातोमाटेदेखि बुद्धचोक हुँदै राप्ती पुलसम्म, साथै बुद्धचोक–सामरी पुल खण्डसम्म पर्ने २५/२५ गजभित्रका घर–टहरा तथा अन्य संरचना भत्काइने भएका छन्।
खेलकुद
एनपीएल सिजन–२ ,काठमाडौँ गोर्खाजको विजयी सुरुआत
काठमाडौं । दोस्रो संस्करणको नेपाल प्रिमियर लिग (एनपीएल) क्रिकेट मा काठमाडौँ गोर्खाजले विजयी सुरुआत गरेको छ। जनकपुर बोल्ट्सले दिएको १३१ रनको लक्ष्य काठमाडौँले १८ ओभरमै ५ विकेट गुमाउँदै पूरा गर्यो।
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
तपाईको प्रतिक्रिया