वीरगंज । वीरगंज महानगरपालिका र शिक्षक महासंघवीचको द्वण्द्व पेचिलो बन्दै गएको छ । महानगरपालिकाले केही बिद्यालयका प्रधानाध्यापकहरुलाई सरुवा गरेको बिषयलाई लिएर महानगर र नेपाल शिक्षक महासंघका वीच द्वण्द्व बढेको हो ।

महानगरपालिकाले शिक्षा क्षेत्र सुधार गर्ने भन्दै बिद्यालयका प्रधानाध्यापकहरुको सरुवा गरेको जनाएको छ । महानगरप्रमु राजेशमान सिंहले बिद्यालयमा राम्रो सुधार गरेका शिक्षकहरुलाई अर्को बिद्यालय राम्रो बनाउनकालागि सरुवा गरिएको दावी गरेका छन । यसलाई सकारात्मक रुपमा लिएर काम गर्न उनले अपिल मात्र गरेका छैनन आवश्क स्रोत साधन उपलब्ध गराउने प्रतिवद्धता समेत जनाएका छन ।

शिक्षा सुधारकालागि गरिएको सरुवा नमान्नेहरुलाई बिद्यमान कानूनको आधारमा कारवाहीको बाटो अख्तियार गर्ने मेयर सिंहको कडा चेतावनी छ ।

महानगरले शिक्षा क्षेत्रमा ७ करोडको पूर्वाधार निर्माणको घोषणा पनि गरेको छ । तर शिक्षकहरुले सरुवालाई राम्रो ठानेका छैनन ।

उनीहरुले राजनीतिक आग्रहका कारण आफूहरुको सरुवा भएको बुझेका छन । नेपाल शिक्षक महासंघको वीरगंजमा मंगलवार सम्पन्न बिस्तारित बैठकले सरुवा नमान्ने निष्कर्ष निकालेको छ ।

महासंघले महानगरले सृजनात्मक काम गर्नुको सट्टा उसका गतिविधिबाटै शैक्षीक अवस्था अधोगतीतर्फ गएको आरोप लगाएका छ । महासंघले मंगलवारै शैक्षीक महाशाखा मार्फत महानगरप्रमुखलाई एक ज्ञापन पत्र बुझाउदै प्रचलीत संघीय शिक्षा ऐनका प्रवबन्धको खिलाफ हुने गरि कुनै पनि शिक्षक र बिद्यालय कर्मचारीलाई सरुवा नगर्न माँग गरेको छ ।

पूर्वाग्रह प्रेरित , शिक्षकको सम्मानमा ठेस पुग्ने गरि सरुवा नगर्न महासंघले माँग गरेको छ । बिद्यालयमा बिषयगत शिक्षकको ब्यवस्था लगायत १० बूदे ज्ञापन पत्र बुझाउदै महासंघले प्राधानाध्पाकलाई पारितोषिकको ब्यवस्था समेत गर्नु पर्ने उल्लेख गरेको छ ।

महानगरले वीरगंजमा चारवटा बिद्यालयबाट अग्रेजी माध्यममा अध्ययापन शुरु गरेको छ । अग्रेजी माध्यममा अध्ययन गर्ने छात्रा छात्राले कुनै अतिरिक्त शुल्क तिर्न नपर्ने गरि ब्यवस्स्था मिलाईएको महानगरप्रमुख सिंहको भनाई छ ।

पहिला अग्रजी शिक्षणका नाममा शुल्क लिने गरिएको थियो त्यसलाई बन्द गरिएको छ प्रमुख सिंहले भने यो सुधारको प्रारम्भ हो सुधार अभियानमा शिक्षक संघ संगठन संचारजगत र नागरिक समाजाको सहयोगको चाहिएको छ ।

शिक्षक महासंघले भने महानगरको सरुवालाई नमान्न आफना सदस्यहरुलाई निर्देशन दिएको छ । महासंघका अध्यक्ष तिर्थराज यादवले शिक्षकको हक हितकोलागि आफू जुन सकै अवस्थामा लडिरहने बताएका छन ।

उनले सरुवामा काखा पाखा गरिएको दावी गरे । बिद्यालय राम्रो बनाएको प्रधानाध्यापकलाई अर्को बिद्यालय राम्रो बनाउन सरुवा गरिएको हो भन्ने तर्क मान्ने हो भने सरुवा भएका मध्य नराम्रो चाही को हो उनले प्रतिप्रश्न गरे ।

राम्रो गर्नेलाई सरुवा गरिएको हो भने त्याहा नराम्रो गर्नेलाई ल्याइएको हो भन्ने अर्थ लाग्छ उनले भने सरुवाको पनि यस्तो कारण हुन्छ र ? सरुवा गरिएका शिक्षकहरुका बिषयमा कुनै समस्या छैन तर निहित स्वार्थ पूर्तीकालागि सरुवा भएकोले महासंघ शिक्षकहरुको पक्ष रहेको उनले बताए ।