संसदमा प्रधानमन्त्री ओलीको सम्बोधन, टिआरसी पारित हुनु शान्ति पक्षधरका लागि खुसीको विषय

इसीमाना सम्वाददाता २०८१ सावन ३० गते ०६: ४७ मा प्रकाशित 184 पटक पढिएको

काठमाडौँ । प्रधानमन्त्री केपी शर्मा ओलीले शान्तिप्रक्रिया थालनी भएको १८ वर्षपछि सङ्क्रमणकालीन न्यायसम्बन्धी कानुनमा सहमति हुनु शान्तिका पक्षधरहरुका लागि खुसीको विषय भएको बताएका छन ।

प्रतिनिधिसभाको बुधबारको बैठकमा समसामयिक विषयमा सम्बोधन गर्दै प्रधानमन्त्री ओलीले सहमतिका साथ कानुन पारित हुने चरणमा पुुगेकाले पारित भएका कानुनलाई कार्यान्वयन गर्न सरकारले काम गर्ने बताए ।

नेपालको शान्ति प्रक्रिया मौलीक भएको चर्चा गर्दै प्रधानमंत्रीले कहिले धिमा गति र कहिले समाधान हुँदै यो प्रक्रिया अगाडि बढेको बताए । हामीले दुनियाँका लागि एक नमूनाका रुपमा शान्तिप्रक्रिया अगाडि बढाएका छौँ प्रधानमंत्री ओलीले भने द्वन्द्वलाई मूल प्रवाहका साथै द्वन्द्वबाट अलगअलग भएका पक्षहरुलाई उत्थान गर्ने गरी हामी अघि बढेका छौँ ।

प्रधानमन्त्री ओलीले नेपालमा शान्ति प्रक्रियाको अन्तिम किस्ताका रुपमा सत्य निरुपण तथा मेलमिलाप र बेपत्ता पारिएका व्यक्तिहरुको छानबिनसम्बन्धी कानुनलाई लिएका छौँ ।

राजनीतिक कार्यदल र संसद्को सम्बन्धित समितिबाट पीडितकेन्द्रित हुनेगरी सर्वसम्मत पारित भइसकेको छ । यस अर्थमा म खुुसी व्यक्त गर्दछुु । यो हाम्रो सफलता दुनियाँका लागि उपयोगी हुन सक्ने उनले बताए ।