तीन बूंदे सहमति सगै मधेश प्रदेश सभाको अवरोध हट्यो, २६ गते प्रधानमन्त्री ओलीले सम्बोधन गर्ने

इसीमाना सम्वाददाता २०८१ चैत २२ गते १४: २९ मा प्रकाशित 260 पटक पढिएको

जनकपुर । चैत २६ गते प्रधानमंन्त्री के.पी.शर्मा ओलीले मधेश प्रदेश सभालाई समबोधन गर्ने कार्यक्रम तय भएको छ ।

मधेश प्रदेशका सभामुख रामचन्द्र मण्डलको अध्यक्षतामा शुक्रवार भएको सर्वदलीय बैठकमा यस्तो निर्णय लिइएको हो ।
बैठकले प्रदेश सभामा जारी गतिरोधलाई समेत हल गरेको छ । यो हल संगै १२ दिन देखी अबरुद्ध रहेको प्रदेश सभाको बैठक बस्ने वतावरण बनेको छ ।

सर्वदलीय बैठकमा तीन बुँदे सहमति भएसंगै प्रदेश सभाको विवाद सुल्झिएको जनाइएको छ ।

प्रदेशका सभामुख रामचन्द्र मण्डलले विहान बसेको सर्वदलीय बैठकमा तीन बुँदे सहमति भएसंगै मधेस सभाको गतिरोध अन्त्य भएको जनाए ।

विपक्षी दलहरुले उठाएको माग सम्बोधनसहित तीन बुँदे सहमति भएपछि गतिरोध अन्त्य भएको सभामुख मण्डलको भनाइ छ ।

उनका अनुसार संसदीय छानविन समिति गठन गर्ने, अब बस्ने सदनको बैठकमा योजना बिक्री वितरणबारे सम्बन्धित मन्त्रीहरुले जवाफ दिने र प्रधानमन्त्री केपी शर्मा ओलीले सदनमा सम्बोधन गर्न दिने सहमति भएको हो ।

माओवादी केन्द्र मधेसका संसदीय दलका नेता भरत साहका अनुसार अनधिकृत तवरबाट योजनाको चिठी बिक्री वितरणबारे चैत २७ गतेको बैठकमा सम्बन्धित मन्त्रीले जवाफ दिने र संसदीय छानविन समिति गठन गर्ने निर्णय भएको छ ।

यसैगरी चैत २६ गते सदन सुरु गर्ने र प्रधनामन्त्री केपी शर्मा ओलीले सम्बोधन गर्ने सहमति भएको उनले जनाए ।

अनधिकृतरुपमा कमिसनका कारण योजना बिक्री हुने गरेको आरोप लगाउँदै विपक्षी दलहरु जसपा नेपाल र माओवादी केन्द्रले संयुक्तरुपमा संसदीय छानबिन समिति गठनको माग गर्दै सदन अवरोध गर्दै आइरहेका थिए ।