पछाडि पारिएको वर्गले अवसर पाउनु संघर्षकै उपलब्धि होः गृहमन्त्री लेखी

इसीमाना सम्वाददाता २०८२ बैशाख १९ गते ०६: २७ मा प्रकाशित 127 पटक पढिएको

वीरगंज । मधेश प्रदेशका गृह, सञ्चार तथा कानून मन्त्री राजकुमार लेखीले पछाडि पारिएको वर्गले अवसर पाउनु संघर्ष र संघीयताकै उपलब्धि भएको बताएका छन।

मन्त्री लेखीले शुक्रबार वीरगंजको बृन्दावन होटेलमा आयोजित “स्थानीय तहको न्यायिक समितिलाई न्याय सम्पादन सम्बन्धी पूनर्ताजगी तालिम कार्यक्रम” को उद्घाटन सत्रलाई सम्बोधन गर्दै यस्तो बताएका हुन ।

मन्त्री लेखीले नागरिकको संघर्षबाट नै अधिकारसहितको संघीय शासन व्यवस्था प्राप्त भएको बताए। उनले भने संघीयताकै कारण नेपाली जनताले तीन तहको सरकार पाएका छ्न।

अहिले तीनवटै तहमा हजारौं हजारको संख्यामा पछाडि परेका वा पारिएका वर्ग, महिला,आदिवासी,जनजातिहरुले अवसरहरु पाएको बताए ।

No description available.
मन्त्री लेखीले तालिममार्फत न्याय सम्पादन प्रणालीमा स्थानीय तहको भूमिका थप प्रभावकारी हुने विश्वास व्यक्त गरे।

कार्यक्रम वैशाख १९ र २० गते गरि दुई दिन सम्म वीरगंजमा संचालन हुनेछ। कार्यक्रममा पर्सा जिल्ला अदालतका माननीय न्यायाधीशहरु नन्दकिशोर प्रसाद यादव, मोहन सुबेदी, र उपेन्द्र केशर खनाल पनि सहभागि छन।

कार्यक्रममा मधेश प्रदेश अन्तर्गतका पर्सा जिल्लाका २ १ महानगरपालिका ३ नगरपालिका र १० गाउँपालिका गरि १४ वटा स्थानीय तहका उपप्रमुख तथा उपाध्यक्ष, न्यायिक समितिका पदाधिकारी, न्यायिक सचिव तथा पत्रकारहरूको सक्रिय उपस्थिति थियो। स्वागत मन्तव्य उपसचिव रामेश नायकले गरेका थिए।

कार्यक्रममा नेपालको न्याय प्रणाली, अदालतको संरचना, न्यायिक समितिको अधिकार क्षेत्र, कानूनका सामान्य सिद्धान्त, मिसिल व्यवस्थापन लगायतका विषयमा कार्यपत्र प्रस्तुत गरिँदै छलफल गरिएको थियो।

तालिमको दोस्रो दिन वैशाख २० गते न्याय सम्पादन प्रक्रियाका चरणहरू, कार्यविधि र मिसिल व्यवस्थापनमा आधारित थप प्रस्तुती तथा छलफल हुने कार्यक्रम रहेको छ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।