जनमत पार्टी विभाजन, मुख्यमन्त्री सिंह जनस्वराजमा
जनकपुरधाम । डा. सिके राउत नेतृत्वको जनमत पार्टी औपचारिक रूपमा विभाजन भएको छ। मधेशका मुख्यमन्त्री सतिश कुमार सिंहले जनमत पार्टी परित्याग गरी नयाँ गठन भएको जनस्वराज (जस्वपा) पार्टीको पक्षमा सनाखत गरेका छन्।
सिंहले बुधवार प्रदेश निर्वाचन आयोगको कार्यालय पुगेर जनस्वराज पार्टीका प्रदेश सभा सदस्यका रूपमा आफ्नो सनाखत गरेका हुन्। जनमत पार्टीबाट निस्कासित दीपक कुमार साहको अध्यक्षतामा हिजो मात्र नयाँ दल जनस्वराज पार्टी दर्ता भएको थियो।
यससँगै जनमतका पूर्वमन्त्री त्रिभुवन साहले पनि जनस्वराजमा सनाखत गरेका छन्। हालसम्म दुई जना प्रदेश सभा सदस्यले नयाँ दलको समर्थनमा सनाखत गरिसकेका छन्।
स्रोतका अनुसार, कम्तीमा पाँच जना सांसदले जनस्वराजको समर्थन गरेमा लोकतान्त्रिक समाजवादी पार्टी (लोसपा) नेतृत्वमा रहेको सरकारको बहुमत संकटमा पर्न सक्ने देखिएको छ।
उता, नेपाली कांग्रेस र नेकपा एमालेले सिंहलाई पुनः मुख्यमन्त्री बनाउने सहमति जनाएपछि, उनीहरूको समर्थनमा सिंहकै नेतृत्वमा नयाँ सरकार गठनको दाबी प्रदेश प्रमुखको कार्यालयमा दर्ता गरिएको छ। सिंहले हिजो विश्वासको मत सुनिश्चित गर्न नसकेपछि मुख्यमन्त्री पदबाट राजीनामा दिएका थिए।
प्रदेश प्रमुखको कार्यालयले नयाँ सरकार गठनका लागि आज दिउँसो ४ बजेसम्म दाबी पेश गर्न समय निर्धारण गरेको थियो।
यसैबीच, सिंह जनमत पार्टी परित्याग गरी जनस्वराजमा सनाखत गर्न निर्वाचन कार्यालय जाँदै गर्दा कार्यकर्ताबीच झडप भएको छ। कार्यकर्ताहरूले सिंहलाई कार्यालय प्रवेश गर्न नदिने प्रयास गर्दा प्रहरीले हस्तक्षेप गरेको र सामान्य झडप भएको प्रहरीले जनाएको छ।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पर्सामा मतदान प्रतिशत उच्च रहेको प्रराम्भिक अनुमान, यकिन बिवरण आउन केही समय लाग्ने
वीरगञ्ज । प्रतिनिधि सभाको निर्वाचनमा पर्सा जिल्लामा ६५ प्रतिशत मत खसेको प्रारम्भिक अनुमान गरिएको छ ।
कञ्चनपुरमा निर्वाचन प्रहरीको मृत्यु
कञ्चनपुर । कञ्चनपुरमा निर्वाचन प्रहरीको मृत्यु भएको छ । जिल्लाको पुनर्बास नगरपालिकामा खटिएका निर्वाचन प्रहरीको आज उपचारका क्रममा मृत्यु भएको हो ।
खेलकुद
एनपीएल सिजन–२ ,काठमाडौँ गोर्खाजको विजयी सुरुआत
काठमाडौं । दोस्रो संस्करणको नेपाल प्रिमियर लिग (एनपीएल) क्रिकेट मा काठमाडौँ गोर्खाजले विजयी सुरुआत गरेको छ। जनकपुर बोल्ट्सले दिएको १३१ रनको लक्ष्य काठमाडौँले १८ ओभरमै ५ विकेट गुमाउँदै पूरा गर्यो।
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
तपाईको प्रतिक्रिया