वीरगंज । आगामी फागुन २१ गते हुने भनिएको प्रतिनिधि सभा निर्वाचनकालागि नेपाली कांग्रेस आन्तरिक रुपमा तयार हुदैछ । उसले आफ्ना उम्मेदवारको छनौटको प्रक्रिया हुरु गरेर कांग्रेस चुनावकोलागि तयार भएको सन्देश दिएको छ ।

 नेपाली कांग्रेसले पर्सा क्षेत्र नम्बर १ २ , ३  र ४ का लागि उम्मेदवारहरूको प्रारम्भिक सूची सिफारिस गरेको छ। यससँगै, कांग्रेसको चुनावी गतिविधि तीव्र बनिरहेको छ र क्षेत्रीय कार्यसमिति बैठकले महत्वपूर्ण उम्मेदवारहरूको नाम सार्वजनिक गरेको छ।

पर्सा क्षेत्र नम्बर १

पर्सा क्षेत्र नम्बर १ का लागि नेपाली कांग्रेसले अनिल कुमार रुङ्टाको नाम मात्र सिफारिस गरेको छ। रुङ्टा संबिधान सभाका सदस्य एवं नेपाली कांग्रेसका केन्द्रीय सदस्य पनि हुन ।

पार्टीको उधोग बिभागमा समेत रहेका रुङ्टा पार्टी सभापति शेर बहादुर देउवाका निकट मानिन्छन । समानुपातिक उम्मेदवारका लागि राजकृष्ण अमात्य, ईश्वरभक्त श्रेष्ठ, किरण सरकार, बुनेल राम, कसीमा खातुनको नाम सिफारिस गरिएको छ।

पर्सा क्षेत्र नम्बर २

नेपाली कांग्रेसले पर्सा क्षेत्र नम्बर २ को प्रत्यक्षतर्फ तीन प्रमुख उम्मेदवार सिफारिस गरेका छन्। सोमबार सम्पन्न बैठकमा पूर्वमन्त्री अनजकुमार चौरसिया, पूर्वसांसद राजेन्द्र बहादुर अमात्य, र युवा नेता राकेश यादव को नाम सिफारिस भएको छ ।  

समानुपातिक उम्मेदवारमा गम्भीरा साह, राजनाथ ठाकुर, विद्या श्रेष्ठ, रुपा श्रेष्ठ, र जुनमाया बलको नाम पनि सिफारिस गरिएको छ। राष्ट्रिय सभा सदस्यका लागि भने हिरा साह कानु, सुखल हजरा, प्रेमचन्द्र दुबे, र कन्हैयालाल बानियाको नाम सिफारिस भएका छन्।

पर्सा क्षेत्र नम्बर ३

नेपाली कांग्रेसको क्षेत्रीय कार्यसमितिको सोमबारको बैठकमा पर्सा क्षेत्र नम्बर ३ का लागि उम्मेदवारको सिफारिश सम्पन्न भएको छ ।  बैठकले पूर्वमन्त्री सुरेन्द्र प्रसाद चौधरी, जनार्दन सिंह क्षेत्री, शम्भु चौहान, असर्फी साह, र भगवती चौधरीको नाम सिफारिस गरेको छ। यसले संगठनको अनुभव र नयाँ पुस्ताबीचको प्रतिस्पर्धालाई स्पष्ट रूपमा दर्शाएको छ।

 विशेष गरी, सुरेन्द्र प्रसाद चौधरी र जनार्दन सिंह क्षेत्रीका बीचमा कडा प्रतिस्पर्धा हुने अनुमान गरिएको छ, जसले क्षेत्रको चुनावी समीकरणलाई थप रोचक बनाएको छ।

समानुपातिक उम्मेदवारका लागि मुकेश कुर्मी, ध्रुव कुशवाहा, र मनोज यादवका नाम सिफारिस गरिएको छ। राष्ट्रिय सभा सदस्यका लागि भने ललन दुवेदी र सिन्धु मेहताको नाम पनि समावेश गरिएको छ। कांग्रेसभित्र आन्तरिक शक्ति(समीकरण र आगामी चुनावी रणनीतिको बारेमा नयाँ चर्चाहरू पनि सुरु भएका छन्।

पर्सा क्षेत्र नम्बर ४

नेपाली कांग्रेस पर्सा क्षेत्र नम्बर ४ का लागि पूर्वमन्त्री रमेश रिजाललाई सर्वसम्मत रूपमा उम्मेदवारको रूपमा सिफारिस गरिएको छ। बैठकले यस निर्णयलाई पार्टीका लागि उपयुक्त उम्मेदवारको चयनको रूपमा मान्यता दिएको छ।

 क्षेत्रीय सभापति श्रीकान्तप्रसाद यादवले यस सिफारिसको घोषणा गरेका हुन र यस प्रक्रियामा प्रदेश सभा सदस्य शंकर चौधरी र प्रवक्ता रमेश पाण्डे जस्ता नेताहरूको सहभागिता रहेको बताए।

आन्तरिक प्रतिस्पर्धा र छानोट प्रक्रिया

नेपाली कांग्रेसका विभिन्न क्षेत्रीय समितिहरूले सिफारिस गरेका उम्मेदवारहरूलाई अन्तिम सूचीका लागि केन्द्रीय समितिमा पठाइने प्रक्रिया अघि बढाइएको छ।

 यो प्रक्रियाले कांग्रेसको आन्तरिक रणनीति र टिकट चयनमा स्पष्ट प्रतिस्पर्धा देखाउँछ। यससँगै, क्षेत्रीय स्तरमा उम्मेदवारहरूको छनोट प्रक्रिया निकै संवेदनशील बनेको छ।