वीरगञ्ज । पर्सा निर्वाचन क्षेत्र नम्बर–३ मा नेकपा एमालेको क्षेत्रीय समन्वय कमिटी बैठक सम्पन्न भएको छ।
आगामी प्रतिनिधिसभा निर्वाचनलाई लक्षित बैठकमा चुनावी रणनीति, संगठन सुदृढीकरण र प्रभावकारी परिचालनबारे छलफल गरिएको थियो।
बैठकमा प्रतिनिधिसभाका युवा उम्मेदवार रूपेश कुमार पाण्डेले पर्सा–३ लाई विकास, सुशासन र अवसरको नमुना क्षेत्र बनाउने प्रतिबद्धता व्यक्त गरेका छन।
फर्मान मियाको अध्यक्षता र केन्द्रीय सदस्य तथा जिल्ला इन्चार्ज प्रभु हजराको प्रमुख आतिथ्यमा सम्पन्न कार्यक्रममा पार्टीका केन्द्रीय, प्रदेश, जिल्ला तथा स्थानीय नेताहरूको उपस्थिति थियो।
कार्यक्रमकै क्रममा नेपाली काँग्रेस, राष्ट्रिय मुक्ति पार्टीलगायतबाट दुई दर्जनभन्दा बढी नेता–कार्यकर्ता एमालेमा प्रवेश गरेका छन्। नवप्रवेशी संतोष महतो क्षेत्रीय युवा परिचालन कमिटीको संयोजकमा मनोनीत भएका छन्।
बैठकले पर्सा–३ मा एमालेको संगठनात्मक तयारी सशक्त बन्दै गएको सन्देश दिएको छ।
तपाईको प्रतिक्रिया