वीरगंज । फागुन २१ गते तय भएको प्रतिनिधिसभा निर्वाचनलाई मध्यनजर गर्दै नेकपा (एमाले) ले पर्सा निर्वाचन क्षेत्र नम्बर–१ मा आफ्नो संगठनात्मक गतिविधि तीव्र पारेको छ।
यसै क्रममा सोमबार वीरगञ्ज महानगरपालिका–११, श्रीपुरस्थित त्रिमूर्ति सिनेमा हलमा पार्टीको सम्पर्क कार्यालय सञ्चालनमा ल्याइएको छ।
कार्यालय उद्घाटन कार्यक्रममा एमालेका स्थानीय तथा केन्द्रीय तहका नेताहरू, कार्यकर्ता र समर्थकहरूको बाक्लो उपस्थिति देखिएको थियो।
कार्यक्रममा सहभागीहरूको संख्या र उत्साहले आगामी निर्वाचनमा पर्सा–१ लाई एमालेले रणनीतिक रूपमा महत्वपूर्ण क्षेत्रका रूपमा लिएको संकेत गरेको छ।
स्थानीय तहमा भइरहेका संगठन विस्तार, सम्पर्क अभियान र कार्यकर्ता परिचालनले यस क्षेत्रको राजनीतिक माहोल क्रमशः सक्रिय बन्दै गएको देखिन्छ।
एमाले नेतृत्वले पार्टीप्रति जनआकर्षण बढिरहेको दाबी गर्दै निर्वाचनसम्म थप कार्यक्रमहरू सञ्चालन गर्ने जनाएको छ।
तपाईको प्रतिक्रिया