वीरगञ्ज । नेपाली कांग्रेस क्षेत्र नम्बर १ का प्रतिनिधि सभा उम्मेदवार अनिल रुङटाले वीरगञ्ज महानगरपालिका वडा नं. ४ स्थित बिर्ताबजारमा प्रचार कार्यालय उद्धघाटन गर्दै जनसम्पर्क कार्यक्रम सञ्चालन गरेका छन्।
बिहीबार साँझ आयोजित कार्यक्रममा स्थानीय बासिन्दाको उल्लेख्य सहभागिता देखिएको थियो। प्रचारप्रसार केन्द्र उद्घाटनपछि रुङटाले वडा–४ का विभिन्न टोलमा घरदैलो गर्दै मतदातासँग भेटघाट गरेका थिए।
स्थानीयवासीहरूले उम्मेदवार रुङटालाई फूलमाला र टीका लगाई शुभकामना व्यक्त गरेका थिए।
कार्यक्रममा पार्टीका स्थानीय नेता–कार्यकर्ता, भातृ तथा शुभेच्छुक संघ–संगठनका प्रतिनिधि, युवायुवती, महिला तथा अग्रज नागरिकहरूको उपस्थिति रहेको थियो।
घरदैलोका क्रममा रुङटाले वडावासीबाट प्राप्त समर्थनप्रति आभार व्यक्त गर्दै आगामी निर्वाचनमा नेपाली कांग्रेसको चुनाव चिन्ह ‘रुख’मा मतदान गर्न आग्रह गरेका छन्।
उनले शिक्षा, स्वास्थ्य, पूर्वाधार विकास, रोजगारी सृजना तथा युवामैत्री कार्यक्रमलाई प्राथमिकतामा राख्ने प्रतिबद्धता जनाए।
रुङटाले क्षेत्र नम्बर १ का मतदाताबाट सकारात्मक साथ र सुझाव प्राप्त भइरहेको उल्लेख गर्दै निर्वाचनमा जनताले विश्वास गर्नेमा आफू आशावादी रहेको बताएका छन्।
तपाईको प्रतिक्रिया