वीरगंज । नेपाल कम्युनिष्ट पार्टी (एमाले) ले पर्सा क्षेत्र नम्बर–१ अन्तर्गत वीरगंज महानगरपालिका वडा नम्बर–२३ प्रसौनी बिर्तामा चुनावी भेला तथा घरदैलो कार्यक्रम सम्पन्न गरेको छ। 

चुनावी भेलालाई सम्बोधन गर्दै  उम्मेदवार प्रदीप यादवले मधेश आन्दोलनको उपलब्धीको रक्षाको बिषय संबिधानको रक्षासंग जोडिएको बताएका छन ।

 मधेश आन्दोलनदेखि हालसम्मको आफ्नो राजनीतिक यात्राको स्मरण गर्दै उनले नेकपा एमालेले मात्र मुलकमा आज सम्म भएका राजनीति क आन्दोलन र त्यसबाट प्राप्त उपलब्धीको राक्षा गर्न सक्ने सामथ्र्य राख्ने भएकोले आफू त्यही उपलब्धीको रक्षा र संरक्षणकोलागि एमालेमा प्रवेश गरेको बताए ।

उनले जनताको पक्षमा निरन्तर उभिने प्रतिबद्धता व्यक्त गर्दै काम गर्ने, जनताको सेवामा समर्पित र सक्षम उम्मेदवारलाई मत दिन आग्रह गरे। उनले पर्साका क्षेत्र नं १ का जनताको सुख र दुःखमा सहभागी हुने यही माटोको मान्छेलाई चुन्ने बिशेषता  रहेको बताउदै जनताले त्यो बिषेशता र परम्परालाई कायम राख्ने बिश्वास ब्यक्त गरे । 

यादवले क्षेत्र नम्बर–१ मा केही ‘बहुरूपिया’ तत्वहरूले बिचौलियामार्फत जनतालाई भ्रमित पार्ने प्रयास गरिरहेको आरोपसमेत लगाए। उनले फागुन २१ गते हुने निर्वाचनमार्फत यस्ता तत्वहरूलाई परास्त गर्नुपर्ने बताउँदै यस निर्वाचनलाई देश निर्माण गर्ने र देशलाई कमजोर पार्ने शक्तिबीचको प्रतिस्पर्धाका रूपमा चित्रण गरे।

कार्यक्रममा समानुपातिक उम्मेदवार विचारी यादवले देशको विगत र वर्तमान राजनीतिक अवस्थाबारे चर्चा गर्दै राजनीतिक अस्थिरताको अन्त्य र  स्थायित्वका लागि एमाले नेतृत्व अपरिहार्य रहेको धारणा व्यक्त गरे।

 उनले प्रसौनी बिर्ताबाट प्रतिनिधिसभा सदस्य उम्मेदवार प्रदीप यादव को पक्षमा ९० प्रतिशतभन्दा बढी मत खस्ने दाबी गर्दै वडा नम्बर–२३ लाई एमालेको ‘लालकिला’ भएको उल्लेख गरे। राष्ट्रियताको रक्षा र संविधानको संरक्षणका लागि एकताबद्ध भई प्रदीप यादवलाई भारी मतले विजयी गराउन उनले आह्वान गरे।

कार्यक्रमकै अवसरमा विभिन्न दल परित्याग गरी जमुना यादवको नेतृत्वमा दर्जनौँ स्थानीय नेता तथा कार्यकर्ता एमालेमा प्रवेश गरेका छन्। प्रवेश गर्नेहरूमा सलिम मियाँ, कृष्णा यादव, कृष्णा कुशवाहा, सलामोदिन अन्सारी, कमरु अन्सारी र कवल दासलगायत रहेका छन्।

नवप्रवेशीहरूलाई प्रमुख अतिथि प्रभु हजरा, समानुपातिक उम्मेदवार विचारी यादव तथा उम्मेदवार प्रदीप यादवले गम्छा र फूलमालाले स्वागत गरेका थिए।

वडा कमिटी सचिव राकेश साहले सहजीकरण गरेको कार्यक्रममा केन्द्रीय कमिटी सदस्य प्रभू हजरा ,क्षेत्रीय समन्वय कमिटी अध्यक्ष मानदेव हजरा, वडा अध्यक्ष अवधकिशोर कुशवाहा लगायतले मन्तव्य व्यक्त गरेका थिए। इकाई कमिटी अध्यक्ष लालबाबु यादवको अध्यक्षतामा सम्पन्न कार्यक्रममा एमाले नेता जलन्धर पटेल, जयराम साह, जगरनाथ महतो, मनोज यादवसहित स्थानीय नेता तथा कार्यकर्ताहरूको उल्लेखनीय उपस्थिति रहेको थियो।