महानगर अध्यक्षमा लियाकत अली समर्थित,कुर्मीको निर्णय बदर
बीरगंज । नेकपा (एमाले) मधेश प्रदेश कमिटीले वीरगञ्ज महानगर कमिटीको अध्यक्षमा सुन्दर कुर्मीलाई मनोनयन गरिएको निर्णय बदर गरेको छ।
एमाले मधेश प्रदेश कमिटीले पर्सा जिल्ला कमिटीका अध्यक्षलाई पठाएको पत्रमा वीरगञ्ज महानगर कमिटीको प्रथम अधिवेशनबाट निर्वाचित कमिटीमा विवाद उत्पन्न भएको उल्लेख गर्दै विधानअनुसार रिक्त पद पूर्ति गर्नुपर्ने व्यवस्था रहेको स्पष्ट पारेको छ।
पत्रमा नेकपा (एमाले) को विधानको धारा ६८ अनुसार निर्वाचित कमिटीका अध्यक्ष लगायत पदाधिकारी तथा सदस्यहरू रिक्त हुन आएमा सोही कमिटीले नै पदपूर्ति गर्ने व्यवस्था रहेको उल्लेख गरिएको छ।
त्यसैगरी, वीरगञ्ज महानगरपालिका कमिटीको अध्यक्ष पदमा जिल्ला कमिटीले मनोनयन नगरी सम्बन्धित कमिटीले नै निर्वाचित गर्नुपर्ने विधानको व्यवस्था रहेको प्रदेश कमिटीले जनाएको छ।
सोही आधारमा पर्सा जिल्ला कमिटीको नामबाट वीरगञ्ज महानगर कमिटीको अध्यक्षमा सुन्दर कुर्मीलाई गरिएको मनोनयन विधानको धारा ६८ अनुसार नभएको भन्दै कुर्मीको नियुक्तिलाई बदर गरिएको पत्रमा उल्लेख छ।
एमाले मधेश प्रदेश कमिटीको २०८३ वैशाख २० गते बसेको बैठकले यससम्बन्धी निर्णय गरेको पत्रमा उल्लेख गरिएको छ। प्रदेश कमिटीका अध्यक्ष चन्द्रेश्वर मण्डलद्वारा हस्ताक्षरित पत्र पर्सा जिल्ला कमिटीका अध्यक्षलाई पठाइएको हो।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया