पर्सा सुनचांदी व्यवसायी संघको अध्यक्षमा सर्राफ सर्वसम्मत

7/23/2017 गते 00 00 मा प्रकाशित 1421 पटक पढिएको

वीरगंज ८ साउन ।
पर्सा सुनचांदी व्यवसायी संघको दोश्रो साधारण सभाबाट नवनिर्वाचित पदाधिकारीहरुलाई आज एक समारोहका बीच शपथ ग्रहण गराईएको छ । गएराती संघको दोश्रो विशेष सधारण सभाबाट निरज उर्फ मुन्ना सर्राफको अध्यक्षतामा चयन भएको १५ सदस्ीय नयाँ कार्यसमितीका पदाधिकारीहरुले पद तथा गोपनियताको सपथ लिएका हुन । संघको सभा कक्षमा सम्पन्न सपथग्रहण समारोहमा नवनिर्वाचित अध्यक्ष मुन्ना सर्राफले दोश्रो पटक अध्यक्ष पदको सपथ लिए । यस्तै संघको उपाध्यक्षमा निर्वाचित गणेश प्रसाद सोनार, रामनरेश प्रसाद सोनार , महासचिवमा प्रवेशकुमार सर्राफ , सचिव अशोक प्रसाद सोनार , कोषाध्यक्षमा जयप्रकाश सर्राफ , सदस्यहरुमा अभिषेक सर्राफ , मणीहर्ष शाक्य , हिरालाल साह सोनार, लक्ष्मण प्रसाद सोनार, सुरज सर्राफ, संजय प्रसाद सोनार, राकेश सोनार, भैरब प्रसाद सोनार, महिला सदस्यमा पुजा देवी सर्राफले पद तथा गोप्नीयताको सपथ लिएका छन । गएराती वीरगन्जको गोपाल मण्डलीमा निर्वाचन प्रक्रियामा अध्यक्षका अर्का प्रत्यासी भूलन सर्राफले उम्मेदवारी फिर्ता गरेपछि मुन्ना सर्राफ सर्वसम्मत दोश्रो कार्यकालका लागि अध्यक्ष भएका हुन । कार्यसमिति सदस्यहरुको निर्वाचनमा पनि भुलन पक्षीय उम्मेदवारहरु पराजित भएका छन् ।