मानव बेचबिखनको आरोपमा तीन जना गिरफ्तार
२५ वर्षिया युवतीलाई जबरजस्ती करणी गरी बेचबिखन गर्न खोजेको आरोपमा मोरङ जिल्लाको कटहरी गाउँपालिका वडा नम्बर ४ स्थायी घर भई हाल पर्साको वीरगञ्ज महानगरपालिका वडा नम्बर ८ स्थित एक रेष्टुरेण्टमा काम गर्ने २५ वर्षीय सुरज कुमार साह, जुम्लाको हेमा गाउँपालिका वडा नम्बर ३ जोगीवडा स्थायी घर भई हाल वीरगञ्ज महानगरपालिका वडा नम्बर १६ फूलबारी टोलमा बस्ने ३५ वर्षीय हरिश्चन्द्रनाथ योगी र वीरगञ्ज महानगरपालिका वडा नम्बर १६ की ४२ वर्षीय लक्ष्मी बुढाथोकी लाई पर्सा प्रहरीले गिरफ्तार गरेको छ ।
विवाहको प्रलोभन देखाएर जबरजस्ती करणी गरी बेचबिखन गर्न खोजेको आरोपमा जिल्ला प्रहरी कार्यालय पर्साले उनीहरुलाई गिरफ्तार गरेका जनाएको छ । ।
काठमाण्डौ बस्ने २५ वर्षीय युवतीलाई विवाह गर्ने प्रलोभन देखाएर जेठ ५ गते वीरगञ्ज बोलाई बसपार्कस्थित होटल राखी सुरजले पटक पटक करणी गरेर जेठ ९ गते होटलकी सञ्चालिका लक्ष्मीको जिम्मा लगाई फरार भएको प्रहरीले जनाएको छ ।
जेठ १० गते लक्ष्मीले हरिश्चन्द्रनाथको साथमा युवतीलाई पठाएको अनुसन्धानको क्रममा खुलेको छ । हरिश्चन्द्रनाथले युवतीलाई आफ्नो कोठामा लगी मानसिक र शारिरीक यातना दिएर पटक पटक जबरजस्ती करणी गरेर कोठामै बन्धक बनाएर राखेको प्रहरीद्वारा जारी प्रेस नोटमा उल्लेख छ ।
जेठ १४ गते राति मौका छोपेर युवती उक्त स्थानबाट भागेर आफन्तको सम्पर्कमा आएकको उजुरी जिल्ला प्रहरी कार्यालय पर्सामा प्राप्त भएपछि प्रहरीले अनुसन्धान थालेको थियो ।
घटनाको विवरण प्राप्त भएपश्चात वीरगञ्जका विभिन्न स्थानबाट पक्राउ गरी जबरजस्ती करणी र मानव बेचबिखन तथा ओसारपसार कसूरमा आवश्यक अनुसन्धान अघि बढाइएको जिल्ला प्रहरी कार्यालय पर्साका प्रवक्ता एवम् डिएसपी ओमप्रकाश खनालले जानकारी दिनु भयो ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मननपुरको बाँसघारीमा २४ किलो लागु औषध चरेस बरामद
वीरगन्ज । पर्साको पोखरियाबाट सशस्त्र प्रहरीले २४ किलो ५०० ग्राम लागूऔषध चरेस बरामद गरेको छ ।
मधेश प्रहरी प्रमुख आचार्य सहित ६ जना एआईजीमा बढुवा सिफारिश
काठमाडौं । मधेश प्रदेश प्रहरी प्रमुख प्रहरी नायव महानिरीक्षक(डिआईजी) लालमणि आचार्यलाई प्रहरी अतिरिक्त महानिरीक्षक(एआईजी) पदमा बढुवा सिफारिस गरिएको छ ।
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया