पर्सागढी नगरपालिकाको हरपुरमा आधारभूत सामुदायिक आखाँ केन्द्रको सोमवार एक बिशेष कार्यक्रमका वीच पर्सागढी नगरपालिकाका प्रमुख गोकर्ण पाठकले उद्धघाटन गरेका छन ।

केन्द्रको उद्धघाटन गर्दै नगरप्रमुख पाठकले अन्धोपन नियन्त्रणको मुलमन्त्रलाई कार्यान्वयन गर्नकालागि केन्द्रको स्थापना गरिएको बताए ।

उनले पर्सागढी नगरपालिका भित्रका स्वास्थ्य संस्थाहरुमा बिभिन्न रोगको परिक्षण र उपचारकालागि नगरपालिकाले काम गर्ने बताए ।

पर्सागढीका नगरिकलाई स्वास्थ्य सम्बन्धी आधारभूत सेवा गुणस्तरीय र प्रभावकारी रुपमा उपलब्ध गराउने आफनो उद्धेश्य रहेको प्रष्ट पार्दै उनले भने आधारभूत सेवा सहज र निशुल्क बनाइने छ ।

केन्द्रको संचालनले नागरिकलाई फाइदा पुग्ने चर्चा गर्दै उनले खर्च अभावमा कोही पनि आँखाको उपचारबाट वञ्चित हुन नपरोस् भन्ने आफनो मुल मन्त्र रहेको बताए ।

खर्च जुटाउन नसकेर संसार देख्ने आश मारिसकेकालाई समेत संसार देखाउने नगरपालिकाको योजना रहेको बताउदै नगरप्रमुख पाठकले नागरिकले यसको लाभ लिएको दिन आफूले सन्तोष लिने ठाउँ बन्ने बताए ।

उनले भने मलाई बिश्वास छ “मैले यो काम नगरपालिकाको स्वास्थ्य शाखा, वीरगंज सामुदायीक आँखा केन्द्र समेतको सहयोगमा निष्ठापूर्वक गरेको छु निष्ठापूर्वक गरेको गरेको कामले अवश्य फल दिनेछ ।

नगरप्रमुख पाठकले
उपचार केन्द्रमार्फत अन्धोपन निवारणका लागि उपचारात्मक र चेतनात्मक कार्य गरिने उनले जानकारी दिए ।

यसैगरि प्रमुख प्रशासकीय अधिकृत छवीरमण भट्टराईले गुणस्तरीय, सस्तो र सबैखाले सहजताले गर्दा आखाँको उपचार केन्द्रको लाभ पर्सागढीका नागरिकलाई हुने बिश्वास ब्यक्त गरे ।

उनले अज्ञानता र गरिबीले गर्दा आँखाको ज्योति फर्काउन सकिदैन भन्ने मान्यतालाई गलत सावित गर्न केन्द्रले काम गर्नु पर्ने सुझाव दिए ।

नगरपालिकाका स्वास्थ्य शाखाका प्रमुख नारायण पौडेलले अन्धोपन निवारणमा पर्सागढी नगरपालिकाले अंगिकार गरेको मोडेल अन्य स्थानीय तहकालागि पनि अनुकरणीय हुने बताए ।

आँखा केन्द्र संचालनकालागि प्राविधिक सहयोग उपलब्ध गराउने वीरगंज सामुदायीक आँखा केन्द्रका मेडिकल संयोजक महेश सिंह धामीले हरपुरमा संचालीत सामुदायीक आँखा केन्द्र ग्रामीण जनताको घर दैलोमा उपचार दिने केन्द्रको रुपमा स्थापित हुने बताए ।

उनले पर्सागढी नगरपालिकाले आँखाको उपचार सेवा आफना नागरिकलाई घर आँगनमा दिने अठोट गरेकोमा प्रशंसा गरे । पर्सागढी नरपालिकाको नेतृत्व नागरिक स्वास्थ्य प्रति जिम्मेवार छ भन्ने पुष्टि भयो उनले भने “घर घरमा सिंहदरवारको अनुभूती यस्तै कामले हुनेछ ” ।

आख केन्द्र उद्धघाटकै दिन २ सय ३५ जनाको आख परिक्षण भएको थियो । जसमा ३५ जनामा मोतियाबिन्दुको समस्या देखिएको मेडिकल संयोजक धामीले जानकारी दिए ।

उनीहरुको वीरगंज सामुदायीक आखाँकेन्द्रमा निशुल्क शल्यक्रिया हुने उनले बताए । केन्द्रमा हप्ताको उक दिन निशुल्क आखाको परिक्षण हुनेछ । आँखाकाृ जटिल खालको समस्याको भने वीरगंज सामुदायीक आँखा केन्द्रमा थप उपचारको ब्यवस्था मिलाइएको छ ।