वीरगञ्ज । नक्कली नोट सहित प्रहरीले दुईजनालाई पक्राउ गरेको छ । पक्राउ पर्नेमा सर्लाहीको गौडाता नगरपालिका वडा नम्बर १२ मधुवनी निवासी ३४ वर्षीय आनन्द वर्दन सिंह र बाराको परवानीपुर गाउँपालिका वडा नम्बर ३ निवासी ३६ वर्षीय ओमप्रकाश साह रहेका छन् ।
उनीहरुलाई प्रहरीले बुधबार दिउँसो उनीहरुलाई वीरगञ्ज महानगरपालिकाको वडा–१६ स्थित चालिसफिट्टे सडकखण्डबाट स्कारपियो गाडीसहित पक्राउ गरेको थियो।
उनीहरुको साथबाट साथबाट प्रहरीले १ हजार रुपैयाँ दरको ४ सय ८६ थान गरी चार लाख ८६ हजार रुपैयाँको नक्कली नेपाली नोट र १ हजार रुपैयाँ दरकै २ सय थान गरी दुई लाख रुपैयाँको सक्कली नेपाली नोट बरामद गरेको जिल्ला प्रहरी कार्यालय पर्साका प्रवक्ता डिएसपी निर्मल बुढाथोकीले जानकारी दिए ।
पर्सा प्रहरीका प्रवक्ता एवम् प्रहरी नायव उपरीक्षक निर्मल बुढाथोकीकाअनुसार केही व्यक्ति नक्कली नेपाली नोटसहित भारतबाट नेपाल प्रवेश गरिरहेको विशेष सूचनाको आधारमा प्रहरी परिचालन गरिएको थियो। सोही क्रममा भारत तर्फबाट वीआर ०१ पीजी ६५७७ नम्बरको भारतीय नम्बर प्लेट भएको स्कर्पियो गाडीलाई रोकेर चेकजाँच गर्दा नक्कली र सक्कली नोट बरामद भयो ।
तपाईको प्रतिक्रिया