वीरगञ्ज । आदीकवी भानुभक्त आचार्यको २ सय १० औ जन्मदिवसको अवसर पारेर वीरगंजको भानुचोकमा उनको अर्धकदको प्रतिमा अनावरण गरिएको छ ।

प्रतिमाको शुक्रवार बिहान एक समारोहवीच साहित्यकार भवानी क्षेत्री र वीरगञ्ज महानगरपालिकाका मेयर राजेशमान सिंहले संयुक्त रूपमा अनावरण गरेका हुन् ।

वीरगञ्ज महानगरपालिकाले स्थापना गरेको मूर्तिको भानु जयन्तीको अवसर पारेर नै अनावरण गरिएको हो । भानुचोकमा आदीकवीको प्रतिमा थियो । तर बिभन्न चरणमा भएका अधिकारका आन्दोलनका क्रममा प्रतिमा हटाइएको थियो ।

भानु जयन्तीकै अवसरमा शुक्रवार वीरगञ्जमा नारायणी वाङ्मय प्रतिष्ठान र लक्ष्मी साहित्य समाजले कविता वाचन प्रतियोगिता र पुरस्कार वितरण गरेको छ । वीरगंजको होटेल मकालुमा आयोजना गरेको प्रतियोगितामा जिएचपी माविका मिशनराज गौतम प्रथम भएका थिए ।

प्रतियोगितामा जिएचपी माविकै बिजय गुप्ता र सिद्धार्थ यन्टरनेशनलका राहुल सहनी द्वितिय र तृतिय भएका थिए । उनीहरुलाई क्रार्यक्रममा पुरस्कृत गरिएको थियो ।

बसपार्कमा भानुको मूर्ति अनावरण र माल्यार्पण गरेपछि प्रभात फेरी सहित होटेल मकालुमा पुगेर औपचारिक कार्यक्रम भएको हो । नारायणी बाङमयका अध्यक्ष डा.बिश्वम्भर शर्माको अध्यक्षतामा भएको कार्यक्रममा यस वर्ष नारायणी बाङमय कृति पुरस्कार जीन्दगीदेखी जीन्दगी सम्म निवन्ध संग्रहका स्रष्टा मकवानपुरको हेटौडाका देवराज खरेललाई ०७८ र सतवरिया टोल कथा संग्रहका संर्जक जनकपुरका राजेन्द्र बिमललाई ०७९ को प्रदान गरिएको थियो ।

कार्यक्रममा साहित्यकार भवानी क्षेत्री मधेश बिश्व बिद्यालयका उपकुलपती डा.दीपक शाक्य, राजेन्द्र कोइराला लगायतले मन्तब्य ब्यक्त गरेका थिए । कोइरालाले नारयणी बाङमयलाई छोरा स्पन्दन कोइराला र छोरी स्मृति कोइरालाको तर्फबाट २५ हजार सहयोग उपलब्ध गराउने घोषणा गरेका थिए ।

उनले यो सहयोग निरन्तर गर्ने जनाए । कार्यक्रममा साहित्यकार गीता भण्डारी, भवानी क्षेत्री, दीपक खनाल देवराज खरेल आफना कविता पनि बाचान गरेका थिए । कार्यक्रममा सर्व राष्ट्रिय दैनीकको ९ औं वर्ष प्रवेशका क्रममा दैनीकको प्रष्गतीकोलागि शुभकामना ब्यक्त गरिएको थियो । दैनीक पत्रिकाका सम्पादक प्रकाशक महेशचन्द्र गौतमले पत्रिकाको सफलताकोलागि कामना गर्ने सबैमा धन्यवाद ज्ञापन गरेका थिए ।

सो अवसरमा सहभागी सबैलाई केक खुवाइएको थियो । कार्यक्रममा स्वागत मन्तब्य महेशचन्द्र गौतमले ब्यक्त गरेका थिए भने कार्यक्रमको संचालन मायामितुले गरेकी थिइन । कार्यक्रममा पशुपतीबिक्रम शाह, उषा शाह , मधु राणा, बरिष्ठ पत्रकार जगदीश शर्मा, नेपाल पत्रकार महासंघका केन्द्रीय सदस्य के.सी.लामछिाने पर्सा शाखाका उपाध्यक्ष युवराज खड्का लगायतको सहभागिता रहेको थियो ।

कार्यक्रममा उपप्राध्यापक उमा मिश्रले आदीकवि भानुभक्त आचार्यको सृजना उनको ब्यक्तित्व सृजनाको प्रभाव नेपाली भाषाको बिकास र राष्ट्रिय एकतालागि पुगेको योगदानको बारेमा बिस्तारमा चर्चा गरेकी थिइन ।