लायन्स क्लब इन्टरनेशनल डिष्ट्रिक्ट ३२५ एस को दोश्रो महाधिवेशन बीरगंजमा हुने, तयारी पुरा

इसीमाना सम्वाददाता २०८० चैत २० गते १६: ०५ मा प्रकाशित 425 पटक पढिएको

बीरगंज । मानवीय सेवामा क्रियाशील सामाजिक परोपकारी अन्तर्राष्ट्रिय संस्था लायन्स लायन्स क्लब इन्टरनेशनल डिष्ट्रिक्ट ३२५ एस को दोस्रो महाधिवेशन बीरगंजमा हुने भएको छ ।

महाधिवेशनको आवशयक तयारी पुरा भएको लायन्स लायन्स क्लब इन्टरनेशनल डिष्ट्रिक्ट ३२५ एस का कार्यकारी प्रमुख एवं महाधिवेशनका कन्भेनर प्काश बाहेतीले जानकारी दिए । महाधिवेशनको तयारी बारे बुधवार नेपाल पत्रकार महासंघ पर्साको सभाकक्षमा पत्रकार सम्मेलनको आयोजना गरेर जानकारी गराईएको हो ।

२४ चैतदेखि वीरगञ्जको क्लार्क रिसोर्टमा दोस्रो महाधिवेशन हुने बाहेतीले बताए । उनले भने महाधिवेशनको सम्पूर्ण तयारी पुरा भएको छ । मधेश प्रदेशका मुख्यमन्त्री सरोजकुमार यादव उदघाट्न सत्रमा सहभागि हुने छन ।

महाधिवेशनमा देशभरिबाट ४ सय जना भन्दा बढी प्रतिनिधिहरुको सहभागिता रहने छ । यो महाधिवेशनले डिस्ट्रिक गर्भनरको चयन गर्ने छ । गर्भनरमा टासी डोल्मा तुम्वाहाम्फे र प्रथम गर्भनरमा बिनय बस्नेतले उम्मेदवारी दिने भएका छन । बीरगंज बाट सेकेन्ड गर्भनरकालागि राम बिहारी पाण्डेले उम्मेदवारी दिने भएका छन ।

पत्रकार सम्मेलनमा लायन्स लायन्स क्लब इन्टरनेशनलका पूर्व गर्भनर रमेश अग्रवाल, एस का गर्भनर डी.एन.अग्रवाल ,रामबिहारी पाण्डे ,लायन्स बासु तिमिल्सीना, उमेश शर्मा लगायतको सहभागिता रहेको थियो ।