सुनचाँदी ब्यसायी संघमा गैरसदस्यहरु पनि मतदाता सूचीमा, अध्यक्ष भूलन र महासचिव अनिलले गरे चरम बदमासी

इसीमाना सम्बाददाता २०८१ सावन ३१ गते १७: ४० मा प्रकाशित 185 पटक पढिएको

आफैले माँग गरेको कागजपत्र नभएका ब्यक्तिहरुको सूची जो मतदाता सूचीमा नाम समावेश गरिएको छ

वीरगञ्ज । नेपाल सुनचाँदी व्यवसायी संघ पर्साले आफैले प्रकाशित गरेको सूचनाको बर्खिलाफ हुने गरि सदस्यता नविकरण गरेपछि बिवाद भएको छ ।

संघले सदस्यता नविकरणकालागि सूचना प्रकाशित गरेर पान नं. दर्ताको प्रतिलिपि, प्राईभेट फर्म दर्ताको प्रतिलिपि, नागरिकताको प्रतिलिपि, पासपोर्ट साईजको फोटोसँगै आ.व.२०७९र८० को कर चुक्ताको प्रमाण पत्र माँग गरेको थियो ।

तर बर्तमान अध्यक्ष भुलन सर्राफ र महासचिव अनिल सर्राफले आफैले माँग गरेको कागजपत्र नभएका ब्यक्तिलार्य पनि सदस्यता दिएका छन ।

ति सदस्यहरुको बिरुद्ध निर्वाचन समितिमा दावी अन्तरर्गत उजुरी परेको छ । निर्वाच आयुक्त प्रदुम्न यादवले दुबै पक्षलाई छलफलमा सहभागि गराएर निकास खोज्ने बताए । उनले त्यतीगर्दा निकास ननस्किेमा बिधि अनुसार निर्णय लिइने बताए ।

आफैले जारी गरेको सूचनाको प्रतिकूल सदस्यता नविकरण गर्नाले अहिलेका अध्यक्ष र महासचिव गमिभर षडयन्त्रमा लागेको पुष्टि हुन्छ । अहिलेका अध्यक्षले संघलाई आफनो मनमौजी संचालन गरिरहेको आम आरोप छ ।

साधारण सदस्यले समेत भूलन सर्राफको कार्यशैलीको आलोचना गरेका छन । सर्राफको अनधिकृत र अबैधानिक कामलाई पटक पटक पर्साका प्रमुख जिल्ला अधिकारीले हस्तक्षेप गर्नु परेको छ । आफनै समितिका सचिव लक्ष्मण सर्राफको सदस्यता समाप्त गरेका भूलनले अमानवीय काम गरेको भन्दै तिब्र आलोचना भइरहेको छ ।

नेपाल सुन चाँदी ब्यवसायी संघको सदस्यता नभएको फर्मलाई राष्ट्रबैंक बाट उपलब्ध हुने सुन दिन नमिल्ने प्रावधान रहेको छ ।

यस्तो प्रवन्धको नाजायज फाइदा उठाउदै भुलनले आफनै समितिका सचिवको सदस्यता समाप्त गरेर पेशा छाड्न बाध्य बनाउने अमानीय काम गरेको थिए उनको त्यो कामलाई पर्साका प्रमुख जिल्ला अधिकारीले हस्तक्षेप गर्दै खारेज गरिदिएका छन ।

प्रजिअको यो कदम पछि लक्षमण र्साफ सचिवमा पूर्नबहाली भएका छन । भुलनले १५ सदस्यीत कार्यसमितिमा ८ जना बहुमत सदस्यको उपस्थितिमा निर्णय लिने गरेका छन । अन्य ७ जनालाई बैठकको खवर समेत नदिने गरेको सचिव सर्राफले बताए ।