अस्पतालहरुलाई अक्सिजनको आपूर्ती ब्यवस्था मिलाउन प्रशासनको निर्देशन, क्याटले उधोगको अनुगमन गर्ने
बीरगंजमा सचालीत अस्पतालहरुलाई बिरामीलाई चाहिने अक्सिजनको आपूर्ती ब्यवस्था आफैले मिलाउन स्थानीय प्रशासनले निर्देशन दिने निर्णय गरेको छ ।
अस्पतालहरुले बिरामीका आफन्तलाई नै अक्सिजनको ब्यवस्थापन गर्न लागाउने कुरा सार्वजनीक भएपछि यास बिषयमा कोभिड एक्शन टिमले स्थानीय प्रशासनको ध्यानाकर्षण गराएपछि प्रशासनले यस्तो निर्देशन दिने भएको हो ।
टिम र पार्सका प्रमुख जिल्ला अधिकारी पिताम्बर घिमिरेका वीचमा मंगलवार सम्पन्न बैठकमा कोभिड १९ एक्सन टिम (क्याट) ले कोरोना भाइरसको संक्रमणको “चेन”लाई रोक्न आफनो तर्फबाट भूमिका निर्वाह गर्ने प्रतिवद्धता जनाएको छ ।
टिमले पर्साले बुधवारदेखि वीरगञ्जमा अक्सिजन उत्पादन हुने अक्सिजन उद्योगहरुको अनुगमन गर्ने भएको छ । कोरोना संक्रमितको उपचार भइरहेको वीरगञ्जका अस्पतालहरुमा अक्सिजनको अभाव हुन थालेपछि क्याटले अनुगमन गर्ने र मागअनुसारको आपूर्तिको व्यवस्था गर्न पहल गर्ने निर्णय गरेको क्याटका सदस्य तथा जनता समाजवादी पार्टी (जसपा) पर्साका सचिब तबरेज अहमदले जानकारी दिनु भयो ।
जिल्ला प्रशासन कार्यालयमा क्याटका संयोजक एवम् जिल्ला समन्वय समिति पर्साका संयोजक नेकमहमद अन्सारीको अध्यक्षतामा बसेको बैठकले अनुगमन तथा व्यवस्थापनमा सक्रिय भएर वीगञ्जलाई कोरोना भाइरस संक्रमणमुक्त बनाउने निर्णय गरेको छ ।
कोरोना संक्रमितको उपचार भइरहेको वीरगञ्जस्थित नारायणी अस्पताल, नेशनल मेडिकल कलेजको स्वामित्वमा रहेको अस्थाई कोभिड अस्पताल लगायतको अनुगमन र नागरिकको गुनासोलाई समेटेर तयार पारिएको सुझाव पत्र प्रमुख जिल्ला अधिकारी पिताम्बर घिमिरेलाई बुझाइएको अहमदले जानकारी दिनु भयो।
नेपाली काङ्ग्रेस पर्साका सचिब श्याम पटेल, नेकपा एमालेका सञ्जिव मिश्र, माओवादी केन्द्रका बाबुराम कौशिक, क्याट सदस्य एवम् पत्रकार महासङ्ह सदस्य अमित अग्रवाल सहितको सहभागितामा बसेको बैठकले अस्पतालहरुको व्यवस्थापनमा सुधार गर्नुका साथै अक्सिजनको अभावलाई परिपूर्ति गर्नुपर्ने निस्कर्ष निकालेको छ ।
बैठकको क्रममा प्रमुख जिल्ला अधिकारी घिमिरेले कोभिड १९ को महामारीमा क्याटले गरेका कार्यहरुको सह्राना गर्दै एकअर्कासँग समन्वय र सहकार्य गरेर अगाडी बढ्ने विश्वास व्यक्त गर्नु भएको छ ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मञ्च क्यानडाको अध्यक्षमा रमेश धिताल चयन
प्रवासी नेपाली मञ्च क्यानडाको अध्यक्षमा रमेश धिताल सहितको कार्यसमिति सर्वसम्मत चयन भएका छन ।
अभियन्ता चौधरीलाई ‘ग्लोबल एन्टी रेसिजम च्याम्पेनसिप अवार्ड’
वाशिङ्गटन डिसी । नेपालकी सामाजिक अभियन्ता उर्मिला चौधरीे ग्लोबल एन्टी रेसिजम च्याम्पेनसिप अवार्डद्वारा सम्मानित भएकी छिन ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
क्याम्पस प्रमुख कुशवाहाको हत्याका मुख्य अरोपीलाई बारा प्रहरीले गर्यो सार्वजनीक
कलैया । बाराको रामराजा बहुमुखी क्याम्पसका प्रमुख हरिभूषण कुशवाहाको हत्यामा संलग्न रहेको आरोपमा प्रहरीले सुरेन्द्र कुशवाहालाई पक्राउ गरेको छ ।
खेलकुद
क्रिकेटर प्रविण र एसईईमा सर्वोत्कृष्ट नतिजा ल्याउने साह वीरगंज महानगरद्वारा सम्मानित
वीरगंज । नेपाली महिला टोलीलाई विश्वकप क्रिकेटसम्मको यात्रामा योगदान पु¥याउने वीरगंजकी क्रिकेट खेलाडी साना प्रविण र यस वर्षको एसईई परीक्षामा पर्सा जिल्ला प्रथम भएकी रिया साहलाई वीरगंज महानगरपालिकाले आइतबार एक कार्यक्रमकाबीच सम्मान गरेको छ ।
तपाईको प्रतिक्रिया