तीन नम्बर पुलमा २५/२५ मिटर छाडेका ब्यवसायीहरुको बाँकी रहेको संरचना पनि भत्काइयो
वीरगंज। त्रिभुवन राजपथअन्तर्गत हेटौंडा–पथलैया सडकखण्डको तीन नम्बर पुल आसपासका घरटहरा र होटलहरू डिभिजन वन कार्यालय बाराले हटाएको छ ।
शुक्रबार बिहान वन कार्यालय, पर्सा राष्ट्रिय निकुञ्ज, डिभिजन सडक कार्यालय हेटौंडा तथा सुरक्षाकर्मीको संयुक्त टोलीले डोजर प्रयोग गरेर संरचना हटाएको हो ।
डिभिजन वन कार्यालय बाराका प्रमुख सुजित कुमार झालृ उक्त क्षेत्र वन तथा निकुञ्जको संरक्षित क्षेत्रभित्र परेकाले अतिक्रमण हटाउने अभियानअन्तर्गत संरचना हटाइएको बताए ।
उनले यसअघि पटक–पटक माइकिङ र लिखित सूचना दिँदा पनि अटेर भएपछि डोजर चलाउनुपरेको बताए । तर, विस्थापित व्यवसायीहरूले भने आफूहरूमाथि अन्याय भएको बताएका छन् ।
उनीहरूका अनुसार सडक विभागको सूचनापछि राजमार्गको दुवैतर्फको २५–२५ मिटर सडक सीमा आफूहरूले पहिल्यै खाली गरिसकेका थिए ।
त्यसपछि पनि सडक सीमाभन्दा बाहिर रहेका संरचनामा डोजर चलाइएको भन्दै उनीहरूले विरोध जनाएका छन् । स्थानीय व्यवसायीहरूका अनुसार २०४५ सालदेखि सञ्चालनमा रहेका होटल तथा पसलहरू अचानक हटाइँदा ठूलो आर्थिक क्षति भएको छ ।
तीन नम्बर पुल क्षेत्र लामो समयदेखि यात्रुहरूको विश्रामस्थल र व्यावसायिक केन्द्रका रूपमा परिचित थियो । करिब ७० भन्दा बढी होटल व्यवसायी विस्थापित भएपछि धेरै स्थानीय परिवारको रोजीरोटी संकटमा परेको छ ।
यता वन कार्यालयले भने सार्वजनिक तथा संरक्षित क्षेत्रको अतिक्रमण हटाउने अभियान आगामी दिनमा पनि जारी रहने जनाएको छ ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया