वीरगंज सिटी हाफ मैराथन आर्मी र सशस्त्र प्रहरीका खेलाडीहरुको वर्चस्व
वीरगंज,९,बैशाख ।
हाफ मैराथन राष्ट्रिय खुला आमन्त्रण दौड प्रतियोगिता शनिवारवीरगंजमा सम्पन्न भएको छ । वीरगंज सिटी हाफ मैराथन २०७४ नाम दिइएको प्रतियोगितामा राष्ट्रिय तथा अन्र्तराष्ट्रिय खेलाडीहरु गरी ३०० जना खेलाडीहरुले सहभागिता जनाएका थिए ।
वीरगंजमा सवैभन्दा बढि राशी भएको दौड प्रतियोगिता बिहान ७ बजे शुरु भएको थियो । प्रतियोगितामा माल्दिभसका खेलाडी सहित त्रिभुवन आर्मी क्लब काठमाडौं, सशस्त्र प्रहरी बल, पश्चिममांचलका अन्र्तराष्ट्रिय खेलाडी,पुर्वाचंल, मध्यमांचल लगायत वीरगंज आसपास क्षेत्रका खेलाडीहरुको उत्साहजनक सहभागिता रहेको एथलेटिक्स संघ पर्साका संयोजक एवं कार्यक्रमका संयोजक शैलेन्द्र पाण्डेले बताए ।
२१।१ किलोमिटर दौड प्रतियोगितामा त्रिभुवन आर्मी काठमाडौंका खडक बहादुर खडका प्रथम, लालबहाुदर थापा दितिय र कल्याण बाँनिया तृतिय भएका थिए । यसैगरी रामजी बस्नेत चौथो र माल्दिभसका खेलाडी सिफाज महम्मद पाँचौ र त्रिभुवन आर्मीका जितेन्द्र दनुवार छैठो भएका थिए ।
बिजयी खेलाडीहरुले क्रमशः २० हजार,१५ हजार र १० हजार नगद पुरस्कार सहित प्रमाणपत्र र मेडल प्राप्त गरेका थिए ।
यसैगरी ३ किलो मिटर दौड प्रतियोगितामा सशस्त्रका मुक्त कुवर प्रथम,जनतिलक थापा दितिय र कृष्ण श्रेष्ठ तृतिय भएका थिए । बिजयी खेलाडीहरुले क्रमशः ७ हजार, ५हजार र ३ हजार नगद सहित मेडल र प्रमाणपत्र प्राप्त गरेका थिए ।
एथलेटिक्स संघ पर्साका संयोजक शैलेन्द्र पाण्डेको सभापतित्वमा सम्पन्न कार्यक्रममा पूर्व सांंसद एवं वीरगंज उद्योग वाणिज्य संघका अध्यक्ष ओमप्रकास शर्मा, हिमालयन डिस्लरीका कारखाना प्रबन्ध निर्देशक उदय भण्डारी, पर्साका एसपी गोबिन्द साह, मध्यमांचल खेलकुद बिकास समितिका अध्यक्ष मानदेव हजरा, वीरगंज उद्योग वाणिज्य संघका पूर्व अध्यक्ष बिजय सरावगी, जिल्ला खेलकुद बिकास समितीका उपाध्यक्ष दिपक तिवारी, वरिष्ठ फुटबल प्रशिक्षक हरी बहादुर श्रेष्ठ, रितु शाक्य, नेकपा एमालेका वडा अध्यक्ष लालबाबु यादव, बिरु भट्टराई लगायतको उपस्थिती रहेको थियो । कार्यक्रमको सहजीकरण आलोक रंजन कर्णले गरेका थिए
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मञ्च क्यानडाको अध्यक्षमा रमेश धिताल चयन
प्रवासी नेपाली मञ्च क्यानडाको अध्यक्षमा रमेश धिताल सहितको कार्यसमिति सर्वसम्मत चयन भएका छन ।
अभियन्ता चौधरीलाई ‘ग्लोबल एन्टी रेसिजम च्याम्पेनसिप अवार्ड’
वाशिङ्गटन डिसी । नेपालकी सामाजिक अभियन्ता उर्मिला चौधरीे ग्लोबल एन्टी रेसिजम च्याम्पेनसिप अवार्डद्वारा सम्मानित भएकी छिन ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
क्याम्पस प्रमुख कुशवाहाको हत्याका मुख्य अरोपीलाई बारा प्रहरीले गर्यो सार्वजनीक
कलैया । बाराको रामराजा बहुमुखी क्याम्पसका प्रमुख हरिभूषण कुशवाहाको हत्यामा संलग्न रहेको आरोपमा प्रहरीले सुरेन्द्र कुशवाहालाई पक्राउ गरेको छ ।
खेलकुद
क्रिकेटर प्रविण र एसईईमा सर्वोत्कृष्ट नतिजा ल्याउने साह वीरगंज महानगरद्वारा सम्मानित
वीरगंज । नेपाली महिला टोलीलाई विश्वकप क्रिकेटसम्मको यात्रामा योगदान पु¥याउने वीरगंजकी क्रिकेट खेलाडी साना प्रविण र यस वर्षको एसईई परीक्षामा पर्सा जिल्ला प्रथम भएकी रिया साहलाई वीरगंज महानगरपालिकाले आइतबार एक कार्यक्रमकाबीच सम्मान गरेको छ ।
तपाईको प्रतिक्रिया