नेपाल पुलिस क्लब ,प्रथम वीरगञ्ज गोल्डकप फुटबल प्रतियोगिताको फाइनलमा पुग्यो
वीरगञ्ज । आयोजक भेट्रान सिटी क्लब वीरगञ्जलाई सडन डेथमा स्तब्ध पार्दै नेपाल पुलिस क्लब “प्रथम वीरगञ्ज गोल्डकप फुटबल प्रतियोगिता – २०८०” को फाइनलमा प्रवेश गरेको छ ।
वीरगञ्जको आदर्शनगर रङ्गशालामा बुधवार भएको पहिलो सेमिफाइनल खेलमा पुलिसले आयोजक भेट्रान सिटीलाई टाइब्रेकरमा सडन डेथमा पराजित गर्दै फाइनलमा स्थान सुरक्षित गरेको हो ।
निर्धारित ९० मिनेटमा गोलरहित बराबरीमा सकिएपछि खेल टाइब्रेकरमा धकेलिएको थियो । तर टाइब्रेकरमापनि ३–३ गोलको बराबरी भएपछि खेल सडन डेथमा पुग्यो ।
यसअघि ९० मिनेटको खेल निक्कै रोमाञ्चक थियो । दुवै टिमका स्टाइकरहरूले गोल गर्ने पटक(पटक प्रयास गरे पनि गोलरक्षकहरूले उत्कृष्ट बचाउ गर्दै उनीहरूको प्रयासलाई विफल तुल्याएका थिए ।
टाइब्रेकर र सडन डेथमा गरी भेट्रान सिटीको तीन वटा प्रहार रोक्न सफल पुलिसका गोलरक्षक सत्रुधन चौधरी प्लेयर अफ दी म्याच घोषित भए । उनले १० हजार रुपैयाँ पुरस्कार प्राप्त गरेका छन् ।
उपाधिका लागि अब पुलिसले फाइनलमा त्रिभुवन आर्मी क्लब र सङ्कटा क्लबबिच बिहीबार हुने दोस्रो तथा अन्तिम सेमिफाइनल खेलको विजेतासँग आगामी शनिवार प्रतिस्पर्धा गर्नेछ ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया