ठोरी गाउँपालिका अध्यक्ष श्रेष्ठको निर्देश ,हरेक शुक्रवार एक घण्टा पढाई बाँकी समय खेलकुद अनिवार्य

इसीमाना सम्वाददाता २०८१ फागुन १३ गते ०८: ४९ मा प्रकाशित 127 पटक पढिएको

ठोरी । ठोरी गाउँपालिकाको आयोजनामा सम्पन्न तेस्रो राष्ट्रपति रनिङ शिल्ड प्रतियोगिता मंगलवार भव्य रूपमा सम्पन्न भएको छ ।

समापन समारोह गाउँपालिका अध्यक्ष लाल बहादुर श्रेष्ठको अध्यक्षतामा सम्पन्न भएको थियो । कार्यक्रममा जसमा विजयी विद्यालयका विद्यार्थीहरूलाई पुरस्कार वितरण गरियो
।
प्रतियोगितामा श्री सरस्वती मा.वि, गौतमनगरले १० स्वर्ण, १३ रजत र ७ कास्य पदक जित्दै पहिलो स्थान हासिल गर्यो ।

श्री नेपाल राष्ट्रिय मा.वि, ओडारले ८ स्वर्ण, १ रजत र ५ कास्य पदक जित्दै दोस्रो स्थान प्राप्त गर्यो भने श्री ज्ञान बाटिका मा.वि, सुवर्णपुरले ५ स्वर्ण, ६ रजत र ५ कास्य पदक जितेर उत्कृष्ट प्रदर्शन गर्यो ।

लगातार तेस्रो पटक राष्ट्रपति रनिङ शील्ड जित्न सफल श्री सरस्वती मा.वि, गौतमनगरले शिल्ड स्थायी रूपमा आफ्नो बनाएको छ ।

समापन समारोहमा गाउँपालिका अध्यक्ष श्रेष्ठले आगामी वर्षदेखि विद्यालयका विद्यार्थीहरूलाई खेलकुद सामग्री उपलब्ध गराउने घोषणा गरेका छन ।

साथै, ठोरीका २१ वटै विद्यालयलाई हरेक शुक्रबार एक घण्टा मात्र पढाई गरेर बाँकी समय खेलकुदमा समर्पित गर्न निर्देशन दिएका छन । फागुन ११ गते सुरु भएको प्रतियोगिता मंगलवार समापन भएको हो ।