दोस्रो वीरगंज गोल्डकप फूटबल फाल्गुण १७ देखी शुरु हुने, बिजयी टिमले ११ लाख ११ हजार १ सय ११ पुरस्कार पाउने

इसीमाना सम्वाददाता २०८१ फागुन १५ गते ०७: ५६ मा प्रकाशित 218 पटक पढिएको

बीरगंज । भेट्रान्स सिटि क्लब वीरगंजको आयोजनामा यहि फागुन १७ गते देखि दोस्रो वीरगंज गोल्डकप फूटवल प्रतियोगिता २०८१ हुने भएको छ ।

आर्दशनगर रंगशालामा बिहिबार पत्रकार सम्मेलनको आयोजना गरि क्लबले यसबारेमा जानकारी दिएको हो । प्रतियोगितामा नेपाल र भारतका गरि ८ वटा क्लबको सहभागिता हुने पत्रकार सम्मेलनमा जानकारी गराइयो ।

प्रतियोगितामा वीरगंज युनाईटेड , नेपाल पुलिस क्लब काठमाडौं, बागमती युवा क्लब सर्लाही, शहलेश फुटबल क्लब सिरहा, मछेन्द्र फुटबल क्लब काठमाडौं, गरवाहल डाईमण्ड फुटबल क्लब नयाँ दिल्ली भारत, एपिई पावर चर्च व्वाईज युनाईटेड काठमाडौ र संकटा फुटबल क्लब काठमाडौं सहभागी हुने क्लबका प्रथम उपाध्यक्ष सागर शम्सेर जबराले जानकारी दिए ।

प्रतियोगिता संचालनको लागि करिब १ करोड ७ लाख ६५ हजार अनुमानित खर्च लाग्ने आयोजकले जनाएको छ ।

प्रतियोगितामा प्रथम स्थान हासिल गर्ने टिमले ११ लाख ११ हजार १ सय ११ रुपैया,दोस्रो स्थान हासिल गर्ने टिमले ५ लाख ५५ हजार ५ सय ५५ रुपैया,सर्वोकृष्ट खेलाडीलाई ईलेक्ट्रिक स्कुटी तथा ट्रफी, वेष्ट किपरलाई नगद २० हजार, वेष्ट कोचलाई २० हजार नगद पुरस्कारले दिने आयोजकले जनाएको छ ।

यसैगरी प्रत्येक दिनको खेलमा मैन अफ दि मैच हुने खेलाडीलाई नगद १० हजार पुरस्कारको व्यवस्था गरिएको छ । खेलाडीहरुको ५ लाखको दुर्घटना बिमा तथा ३ लाखको औषधी उपचार बिमा गरिएको छ ।

यसैगरी दर्शकहरुको पनि ५ लाखको दुर्घटन बिमा तथा दुई लाखको औषधी उपचार बिमा गरिएको भेट्रान्स सिटि क्लब वीरगंजका अध्यक्ष सबिन बस्नेत जानकारी दिए ।

क्लबका कोषाध्यक्ष सुबोध श्रीवास्तवको अध्यक्षतामा सम्पन्न पत्रकार सम्मेलनमा अध्यक्ष सबिन बस्नेत,बरिष्ठ उपाध्यक्ष रोशन कुमार श्रेष्ठ, महासचिव पंकज श्रेष्ठ,सचिव भुषण यादव,सदस्यहरु सन्तोष खनाल निशान्त लामिछाने लगायतको उपस्थिति थियो ।