लागुऔषध ओसारपसारमा संलग्न तीन जना सर्लाहीमा पक्राउ, मोटरसाइकल र नगद समेत बरामद
लालबन्दी ।सर्लाही जिल्लामा लागुऔषधविरुद्ध प्रहरीले प्रभावकारी कारबाही जारी राखेको छ। छुट्टाछुट्टै स्थानमा गरिएको कारबाहीमा ब्राउनसुगरजस्तो देखिने पदार्थसहित एक जना तथा ठूलो परिमाणको गाँजासहित दुई जना पक्राउ परेका छन्।
लालबन्दी नगरपालिका–५ बाट प्रहरीले २ सय १२ ग्राम ब्राउनसुगरजस्तो देखिने पदार्थसहित एक जनालाई पक्राउ गरेको छ। पक्राउ पर्नेमा लालबन्दी नगरपालिका–५ मा बसोबास गर्दै आएका, ईश्वरपुर नगरपालिका–३ घर भएका ३४ वर्षीय सुवास लामिछाने रहेका छन्।
शनिबार साँझ इलाका प्रहरी कार्यालय लालबन्दीबाट खटिएको प्रहरी टोलीले उनको घरमा तलासी गर्दा उक्त पदार्थ फेला पारी पक्राउ गरेको हो। पक्राउ परेका लामिछानेमाथि आवश्यक अनुसन्धान भइरहेको प्रहरीले जनाएको छ।
यस्तै, सर्लाहीको बरहथवा नगरपालिका–१२ बाट प्रहरीले गाँजासहित दुई जनालाई पक्राउ गरेको छ।
आइतबार बिहान करिब पौने ६ बजे इलाका प्रहरी कार्यालय बरहथवाबाट खटिएको प्रहरी टोलीले हरिवनबाट बेल्हीतर्फ आउँदै गरेको प्रदेश–१–०२–०५२ प ३५०६ नम्बरको २२० सीसी क्षमताको रातो–कालो रंगको पल्सर मोटरसाइकललाई शंका लागि रोकी चेकजाँच गरेको थियो।
चेकजाँचका क्रममा मोटरसाइकलको बिच भागमा प्लास्टिकको बोरामा लुकाएर ल्याइएको अवस्थामा गाँजा फेला परेको प्रहरीले जनाएको छ।
रातो प्लास्टिकले बेरिएका ६ पोकामा रहेको कुल ३१ केजी ५९० ग्राम गाँजासहित एक थान मोटरसाइकल, तीन थान मोबाइल, नगद ७१ हजार ५७५ रुपैयाँ, ९ हजार ७ सय भारतीय रुपैयाँ बराबरको एटीएम कार्ड तथा खैरो रंगको छालाको खाली ब्याग एक थान समेत प्रहरीले बरामद गरेको छ।
पक्राउ पर्नेमा लालबन्दी नगरपालिका–१४ ठुलो घुम्ने टोल बस्ने २९ वर्षीय कान्छा राम स्याङतान र सोही वडाको सानो घुम्ने टोल बस्ने २५ वर्षीय मानबहादुर ठोकर रहेका छन्।
जिल्ला प्रहरी कार्यालय सर्लाहीका अनुसार पक्राउ परेका दुवै जनालाई जिल्ला अदालतबाट सात दिनको म्याद थप गरी इलाका प्रहरी कार्यालय बरहथवामा राखी थप अनुसन्धान भइरहेको छ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
ठोरीमा नागरिक सुनुवाइ अन्तरक्रिया तथा छलफल कार्यक्रम सम्पन्न
ठोरी । पर्साको ठोरी गाउँपालिकामा नागरिक र प्रहरीबीचको सम्बन्ध सुदृढ बनाउने तथा शान्ति सुरक्षासम्बन्धी विषयमा छलफल गर्ने उद्देश्यले नागरिक सुनुवाइ, अन्तरक्रिया तथा छलफल कार्यक्रम सम्पन्न भएको छ।
पञ्चगावामा दुई महिलासहित २५ जना स्थानीय युवाले रक्तदान गरे
पचगावा । पर्साको सखुवा प्रसौनी गाउँपालिका–२ पञ्चगावामा आयोजित रक्तदान कार्यक्रममा २५ जनाले रक्तदान गरेका छन्।
खेलकुद
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
सिमरामा अन्तर्राष्ट्रिय आमन्त्रण महिला फुटबल प्रतियोगिता हुँदै
सिमरा । बाराको सिमरामा असोज १० देखि १७ गतेसम्म ‘एक्स्ट्रिम जीतपुरसिमरा अन्तर्राष्ट्रिय आमन्त्रण महिला फुटबल प्रतियोगिता’ हुने भएको छ।
तपाईको प्रतिक्रिया