अमिशा पराजुली
रौतहट । सामाजिक संजाल मार्फत अमिशा पराजुली उपर गरिएको साइबर बुलिङ प्रकरणमा प्रहरीले रौतहटबाट एक जनालाई पक्राउ गरेको छ।
केन्द्रीय साइबर ब्यूरोले सामाजिक सञ्जालमार्फत गरिएको साइबर बुलिङ प्रकरणमा रौतहटको गुजरा क्षेत्रबाट अभिषेक चौधरीलाई शनिबार बिहान पक्राउ गरेको हो ।
पक्राउ परेका चौधरीलाई थप अनुसन्धानका लागि काठमाडौंस्थित ब्यूरो कार्यालयमा लगिएको छ।
अमिशा पराजुलीले दिएको उजुरीसँग चौधरीको पक्राउ प्रकरण सम्बन्धित रहेको जनाइएको छ।
पराजुलीले सार्वजनिक रूपमा आफ्नो अभिव्यक्ति दिएपछि सामाजिक सञ्जालमा लक्षित गरी साइबर बुलिङ गरिएको भन्दै प्रमाणसहित साइबर ब्यूरोमा उजुरी दर्ता गराएकी थिइन्।
प्रहरीका अनुसार घटनाबारे विस्तृत अनुसन्धान भइरहेको छ। आवश्यक प्रमाण संकलन गरी प्रचलित कानुनअनुसार कारबाही प्रक्रिया अघि बढाइने जनाइएको छ ।
तपाईको प्रतिक्रिया