वीरगंज ५ असार ।   स्व.विन्दु देवी पाण्डेको स्मृतिमा स्थापित महिला पत्रकारीता पुरस्कार २०७५ बाट पत्रकार कविता खड्का पुरस्कृत भएकी छिन् ।

नेपाल पत्रकार महासंघ पर्सा शाखाको सभाहलमा आयोजित पुरस्कार वितरण कार्यक्रममा नेपाल पत्रकार महासंघ प्रदेश नम्बर २ का अध्यक्ष दिपेन्द्र चौहानले ११ हजार रुपैयाँको चेक र सम्मान पत्र सहित खडकालाई पुरस्कृत गरेका हुन ।  

कार्यक्रमलाई  नेपाल पत्रकार महासंघ प्रदेश नम्बर २ का अध्यक्ष दिपेन्द्र चौहानले मिडिया सञ्चालकहरुको श्रम शोषणका कारण पहिला भन्दा अहिले सञ्चारमाध्यममा महिला पत्रकार कमी देखिएको बताएका थिए । सोही कमिलाई पुरा गर्न निकट भविष्य मै नेपाल पत्रकार महासंघ प्रदेश कार्यसमितिले श्रमजीवी पत्रकारहरुका निम्ति कार्यक्रमहरु ल्याउन लागेको बताएका थिए । उनले साना लगानीका मिडियाहरुका लागी समेत महासंघ प्रोत्साहनका कार्यक्रमहरु ल्याउन लागेको बताएका थिए ।

खड्का राजधानी बाहिर महिलाहरुकै सक्रियतामा पर्साबाट प्रकासित मध्य नेपाल सन्देश साप्ताहीक पत्रिकाकी सम्पादक हुन । २ वर्ष अगाडी पर्सा जिल्लाका महिला पत्रकारहरुको सहभागितामा उनले पत्रिका  प्रकाशन सुरु गरेकी थिईन् । यसअघि ८ वर्षदेखी वीरगंजको सामुदायिक रेडियो नारायणी एफ।एम।मा महिला कै विषयमा रेडियो कार्यक्रम चलाउँदै आएकी थिईन् ।

बरिष्ठ पत्रकार जगदीश शशर्माले खडकालाई समाजिक सुझबुझ भएकी महिला पत्रकार रुपमा उनको छवी स्थापित भएको बताए  । उनले २० वर्ष अगाडी महिलाहरु विद्यालय जान रुचाउँदैन्थे तर त्यही कन्या विद्यालय भए पढ्न जान्थे त्यसैगरी उनले २ वर्षदेखी निरन्तर मध्य नेपाल पत्रिका मार्फत महिला पत्रकारहरुलाई आवद्ध गराई समाजलाई योगदान दिदै आएकोमा प्रशांसा गरेका थिए ।

यसैगरी नेपाल पत्रकार महासंघका प्रदेश नम्बर २ का उपाध्यक्ष के. सी. लामिछाने लेप्रतिष्ठानले महिलाहरुलाई प्रोत्साहित गर्ने काम सराहनिय रहेको बताएका थिए । उनले महिला पत्रकारहरुको सहभागितालाई लिएर एक प्रकारको छलफल आवश्यक्ता रहेकोमा जोड दिएका थिए ।

यसैगरी वीरगंज महानगरपालिकाकी उप मेयर शान्ति कार्कीले पत्रकारको नेतृत्व विकासका  लागी महानगरपालिका जहिले पनि तयार रहेको बताइन । पुरस्कृत पत्रकार कविता खड्काले पुरस्कारले अझै बढी जिम्मेवार बनाएको बताइन ।

यसैगरी नेपाल पत्रकार महासंघका अध्यक्ष श्याम बन्जाराले प्रतिष्ठानले गर्दै आएको काम महासंघको भएपनी महिलाहरुको प्रतसाहनका निम्त हुदैँ आएको कामलाई महासंघले सधै उतप्रेरण गर्दै जाने बताएका थिए ।
कार्यक्रममा नेपाल रेडक्रस सोसाईटी पर्साकी उपाध्यक्ष मधु राणा, ठाकुरराम बहुमुखी क्याम्पसका प्रध्यापक डा.हरेराम ठाकुर, पत्रकार सरोज खड्का लगायतकाले मनतव्य व्यक्त गरेका थिए ।

प्रतिष्ठानका अध्यक्ष बिजय प्रकाश विनको सभापतित्वमा समपन्न कार्यक्रमको सहजिकरण विजय भण्डारीले गरेका थिए ।