वीरगन्ज ठाकुर बहुमुखी क्याम्पसको नयाँ भवन अलपत्र परेको छ । ठेकेदार कम्पनीलाई ४ पटक म्याद थपिदा पनि ७५ प्रतिशत मात्र निर्माण कार्य सम्पन्न भएको छ । एक करोड ४९ लाख रुपैयाको ठेक्का वीरगन्जको मोना कन्सट्रक्सनले २ वर्षभत्रि भवन निर्माण सम्पन्न हुने गरि ०७१ वैशाख २२ मा कार्यादेश पाएको थियो ।

०७३ वैशाख २१ सम्म निर्माण भइसक्नु पर्ने क्याम्पस भवन हालसम्म अलपत्र परेको छ । क्याम्पस प्रशासन शाखाका अनुसार हालसम्म ४ पटक म्याद थपिएको छ ।

ठेकेदार कम्पनीले गत साउन २३ मा अगामि कात्तिक मसान्त भित्र निर्माण सम्पन्न गर्ने प्रतिवद्धता जनाएको छ । कुल ठेक्का रकम मध्ये ७५ लाख रुपैया निकासा भइसकेको लेखा शाखाले जनाएको छ । भवन निर्माण अलपत्र पारेपाछि क्याम्पस प्रशासनले ०७४ फागुनमा दुई पटक स्पष्टीकरण पनि सोधेको थियो । 

    हालै ठाकुरराम बहुमुखी क्याम्पसले बीबीए कक्षा सञ्चालन अनुमति पाएको छ । नयाँ भवनमा छठपछि बीबीए कक्षा सञ्चालन गर्ने योजना क्याम्पस प्रशासनको थियो । समयमै भवन निर्माण नहुदा पुरानै भवनमा कक्षा सञ्चालन गर्छौ,।

सहायक क्याम्पस प्रमुख रोशन लामिछानेले भने, धेरै पटक पत्राचार गरेपनि चासो लिएको छैन् । कात्तिक मसान्त भित्र निर्माण सम्पन्न गरिदिने प्रतिवद्धता जनाएपनि हालसम्म निर्माण सुरु गरेको छैन् । निर्माण गरेको संरचना समेत गुणस्तरीय नरहेको विद्यार्थीले आरोप लगाएका छन् ।

विद्यार्थी नेता कृष्णकुमार उपाध्यायले दुई तल्ले भवनका केही पिलर बांगिएको बताए । भवनको बीम समेत बाँगिएको छ,’ उनले भने, शैक्षिक संस्थामा भ्रष्टचार हुदा दुख लागेको छ । क्याम्पस प्रशासनले अनियमितता गर्नेलाई कारवाही गर्नुपर्ने उनले जोड दिए । क्याम्पस प्रमुख डा.प्रमोद कुशवाहाले नयाँ भवन निर्माण सम्पन्न गराउन सरोकारवाला पक्षको दबाब आवश्यक रहेको औल्याए ।  

यस वर्षदेखि सुरु हुने बीबीएका लागि झन्डै २ सय विद्यार्थीले आवेदन दिएका थिए । जसमध्ये करिब ६४ जना छनौट हुनेछन्, सहायक क्याम्पस प्रमुख लामिछानेले भने, बिबिएका लागि सुविधाजनक प्रयोगशाला, पुस्तकालय, फर्निचरको आवश्यकता पर्छ, नयाँ भवन निर्माण भइदिएको भए यी संरचना बनाउन सजिलो हुन्थ्यो ।

मोना कन्स्ट्रक्सनका सञ्चालक रामाकान्त चौरसियाले उक्त ठेक्का पेटी कन्ट्रयाक्टमा दिएको खुलाए । बीचमा बालुवा नहुदा निर्माण सुरु गर्न नसकिएको पेटी कन्ट्रयाक्टरले भन्थे,’ कान्तिपुरसग फोनमा उनले भने, अब केही दिनभित्र सुचारु गर्ने भनेका छन् ।

निर्माण व्यवसायी संघ पर्साका अध्यक्ष समेत रहेका चौरसियाका अनुसार पेटी कन्ट्रयाक्टमा लिएका ठेकेदारले समयमै निर्माण कार्य सम्पन्न नगर्दा आफनो कम्पनीको नाम बदनाम भइरहेको बताए । साभार ः कान्तिपुर