वीरगन्ज १५ फाल्गुन ।
विकासका लागि सडक सम्पर्क सबभन्दा महत्वपुर्ण पक्ष रहेको विज्ञहरुले औल्याएका छन् । ति सडक निमार्ण गरिदा आपेक्षा गरिएका विकाससंगै पर्ने अनपेक्षित प्रभावको समेत मुल्यांकन हुनुपर्ने वीरगन्जमा आयोजित एक कार्यक्रमका सहभागिले बताएका छन् । 

‘भौतिक विकास र मानवीय विकास दुबैमा पछाडी रहेको भु भाग हामीलाई हाम्रो चाहनाभन्दा फरक किसिमले प्रदेशको रुपमा दिइयो,’ बिकासशील मधेशमा सडक सम्पर्कको अर्थ राजनीति बिषयक गोष्ठीमा बोल्दै प्रदेश २ का मुख्यमन्त्री लालबाबु राउतले भने, ‘तर अब गुनासो मात्र कति दिन पोखिराख्ने हामी बिकासका लागि आफै अघि सर्नु पर्छ ।

’ मुख्यमंत्री राउतले प्रदेशको बिकासको दायीत्व आफूहरुको भएको बताउ । प्रदेश २ मा प्रदेश सरकार मातहतका सडकहरु बृक्षारोपण तथा आवश्यक ठाउँमा नाला सहित बनाउने नीति नियम बनाउन लागेको मुख्यमन्त्री राउतले बताए । मानव बिकास सुचांकमा पछाडी रहेको प्रदेशलाई अगाडि  बढाउन खोजिरहेको बेला संघीय सरकारले क्षेत्राधिकारमा चलखेल गरेर समस्या उत्पन्न गर्न खाजेको  उनले बताए । 

वीरगन्ज महानगरपालिकाका नगरप्रमुख विजय सरावगीले स्थानीय तहहरुले आफ्नो क्षेत्रभित्रका बिकास योजनाहरुमा चाँसो लिदिएपछि प्रतिफल राम्रो आउने अनुभव सुनाए । उनले बीरगंजको प्रतिमा चोक देखी बहुअर्वा भाठा सम्मको हुलाकी राजमार्ग निर्माणमा आएको समस्या हल गर्दा प्राप्त गरेको अनुभव सुनाउदै बिकासकालागि सहि प्रत्यन हुनु पर्ने बताए ।

नेपाली काँग्रेसका पर्सा जिल्ला सभापति अजय कुमार द्विवेदीले तराइका मुख्य बसोवास क्षेत्रको विचबाट रेखांकित गएिको हुलाकी राजमार्ग नबनाएर राजा महेन्द्रको प्रत्यक्ष चाँसोमा बन फडानी गरेर महेन्द्र राजमार्ग बनाइएपछि त्यसको दुश्प्रभाव अहिलेसम्म तराई मधेशले भोगिरहेको बताए । उक्त योजनाले काठ बेंचेर दारबारियालाई फइदा भएपनि स्थाानीय बासिन्दालाई र पहाडका मानिसहरुलाई कुनै फाइदा नभएको उनको भनाई छ । 

कार्यक्रममा नेपाल इन क्राइसिस नाम पुस्तकका लेखक मध्यका एक डेभिड स्याडेनले सडक संजालको अर्थराजनीतिका बारेमा चर्चा गरेका थिए । उनले सडक मात्रको निर्माणले बिकास हुने कुरा सत्य मात्र  नभएको चर्चा गर्दै सडकको निर्माणले हुन सक्ने अवबिकासको बारेमा समेत बिचार पु¥याउनु पर्नेमा जोड दिए । 

वीरगन्जको ठाकुराराम बहुमुखी क्याम्पसको समाजशास्त्र बिभागको आयोजनमा भएको कार्यक्रममा बेलायतका अवकाशप्राप्त प्राध्यापक डेविड स्ूयाडेनले  बिकासको नाममा सहयोगकर्ताहरुको स्वार्थपुर्ती हुने वा दुरगामी रुपमा अनापेक्षित परिणाम आउने सम्भावना समेत रह्न सक्ने भएकोले त्यो पक्ष विचारणीय रहेको बताए ।

समाजशास्त्री डा.युवराज लुइटेल बिकास वा समृद्धि भन्ने शब्द चयनमै राजनीतिक दलहरु अलमलिएको बताए । उनले राजनीतिक प्रतिबद्धता अनुसार योजनाहरु आइदिए देश समृद्ध हुने बताए । प्रदेश २ को सवालमा दलित, महिला र मुस्लिमलगायत पछाडि परेको समुदायको जीवनस्तर उकासिएपछि मात्र विकासको अर्थ सार्थक हुने निरौलाको भनाई थियो ।

ठाकुराराम बहुमुखी क्याम्पसको समाजशास्त्र बिभागका विरेन्द्रप्रसाद साहले सहजीकरण गरेको कार्यक्रममा वीरगन्ज उद्योग बाणिज्य संघका बरिष्ठ उपाध्यक्ष सुबोध गुप्ता, उपप्रध्यापक डा. शुष्मा द्विवेदी नेपाल पत्रकार महासंघ प्रदेश २ का उपाध्यक्ष के.सी. लामिछाने लगायतले बोलेका थिए ।  

कार्यक्रममा पत्रकार रितेश त्रिपाठी,लक्ष्मी खरेल निरज पिठाकोटे तुलसी भण्डारी उप प्राध्यापक रघुनाथ चौरसिया र रामनारायण साह लगायतले बिभिन्न जिज्ञासा रखेका थिए । कार्यक्रम  ठाकुरराम बहुमुखी क्याम्पसका सहायक क्याम्पस प्रमुख रोशन लामिछानेको सभापतित्वमा सम्पन्न भएको थियो ।