दुई आयोजनाको सडक एउटै
भूषण यादव
वीरगन्ज / वीरगन्ज-कलैया हुलाकी सडकसँगै जोडिएको फेटा गाउँपालिकाको भलुही चोकदेखि भरवलिया र विनवलिया हुँदै शिव मन्दिरसम्मको बाटोमा माटो तथा ग्राभेलसहित कालोपत्रेका लागि तराई मधेस समृद्धि कार्यक्रमले चालु आर्थिक वर्षमा ५० लाख रुपैयाँ छुट्याएको छ ।
सोही सडक खण्डको बीच भागमा पर्ने करिब एक किलोमिटर मनगढवादेखि विनवलियामा बारा क्षेत्र नम्बर ४ का सांसद एकवाल मियाँको स्थानीय पूर्वाधार विकास साझेदारी कार्यक्रमबाट १५ लाख रुपैयाँ बराबरको उपभोक्ता समितिमार्फत माटो पुरेर ग्राभेल भर्ने काम भएको छ ।
तराई मधेस समृद्धि कार्यक्रम केन्द्रीय समन्वय एकाइले स्थानीय तहबाट माग भएबमोजिमका कार्यक्रम गत मंसिर २५ मा स्वीकृत गरी कार्यान्वयनका लागि पत्राचार गरेको थियो ।
फेटा गाउँपालिकाले फागुन २० मा उक्त सडक खण्ड माटो तथा ग्राभेलसहित कालोपत्रेका लागि बोलपत्र आह्वान गरेको थियो । बाराको अशोक कन्स्ट्रक्सनले २८ लाख रुपैयाँमा ठेक्का सकार गरेको छ ।
एउटै सडक खण्डमा दुईवटा आयोजनाले बजेट खर्चिंदा अनियमितता हुने स्थानीयले आरोप लगाएका छन् । उपभोक्ता समिति अध्यक्ष किशोरी राउत आफ्नो योजना पहिले बनेको दाबी गर्छन् । ‘माटो पुरेर ग्राभेल गर्ने काम सम्पन्न भएको छ,’ उनले भने, ‘अब सम्याउन मात्र बाँकी छ, तराई मधेस समृद्धिले स्वीकृत गर्नुभन्दा अगाडि नै हाम्रो योजना बनेको थियो ।’
उपभोक्ता समितिले ग्राभेल हालेको वडाध्यक्ष जयप्रकाश दासले चालु आर्थिक वर्षमा तराई मधेस समृद्धि कार्यक्रमले छुट्याएको रकमबाट यहाँसम्मको सडक निर्माण गर्न नसकिने भएकाले स्थानीय पूर्वाधार विकास साझेदारी कार्यक्रमले १५ लाख रुपैयाँ खर्चेको बताए । जबकि गत वैशाख २६ मा गाउँ कार्यपालिकाले अपुग रकमका लागि तराई मधेस समृद्धि कार्यक्रमबाट माग गर्ने गरेको निर्णयमा वडाध्यक्ष दासले समेत हस्ताक्षर गरेका छन् ।
‘तराई मधेस समृद्धि कार्यक्रमबाट आगामी आर्थिक वर्षमा आउने बजेटबाट उपभोक्ताले गरेको ग्राभेलमा कालोपत्रे मात्र गर्छौं,’ उनले भने, ‘एउटै आयोजनामा बजेट दोहोरिँदा अनियमितता हुँदैन ।’
वर्षातमा स्थानीयले आवतजावतमा समस्या भौग्दै आएका थिए । गाउँपालिकाले गत मंसिर ७ गते बाटोमा माटो तथा ग्राभेलसहित कालोपत्रेका लागि स्थानीय तहबाट बेहोरिने १० प्रतिशतबाहेक ४ करोड ५० लाख रुपैयाँ माग गरेको थियो । तराई मधेस समृद्धि कार्यक्रमको केन्द्रीय एकाइले उक्त कार्यक्रम स्वीकृत गरी पहिलो आवमा ५० लाख रुपैयाँ विनियोजन गरेको थियो ।
रकम अपुग भएपछि गत वैशाख २६ मा फेटा गाउँपालिकाको गाउँ कार्यपालिकाले तराई मधेस समृद्धि कार्यक्रमको केन्द्रीय समन्वय एकाइबाट आगामी आर्थिक वर्षका लागि गाउँपालिकाबाट १० प्रतिशत रकम सुनिश्चित गरी सोही सडक खण्डका लागि ५ करोड रुपैयाँ माग गर्ने निर्णय गरेको छ ।
तराई मधेस समृद्धि कार्यक्रम सञ्चालन कार्यविधि ०७५ अनुसार चालु आव ०७५र७६ का लागि तराई मधेस समृद्धि कार्यक्रम केन्द्रीय समन्वय एकाइबाट तराई मधेसका २१ जिल्लाका सबै स्थानीय तहमा आयोजना सञ्चालनमा रहेका छन् । तराई मधेसका आर्थिक, सामाजिक रूपले पछाडि परेका वर्ग र समुदायको आर्थिक, सामाजिक रूपान्तरणका लागि कार्यक्रम सञ्चालनमा आएको हो ।साभारःwww.kantipurdaily.com
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बाघको आक्रमणबाट ७० वर्षिय थारुको ज्यान गयो
सेढवा । पर्साको जिराभवानी गाउँपालिकामा बाघको आक्रमणबाट जिराभवानी गाउँपालिका–२ काठमाडौं टोल निवासी ७० वर्षीय नथुनी मिर्दाहा थारुको मृत्यु भएको छ ।
खाजा खर्च कटाएर विद्यार्थीले प्रधानमन्त्री राहत कोषमा गरे सहयोग
वीरगञ्ज । श्री नेपाल राष्ट्रिय आधारभूत विद्यालय, रामभौरी भाठाका विद्यार्थीहरूले आफ्नो खाजा खर्चबाट रकम बचत गरी प्रधानमन्त्री राहत कोषमा सहयोग गरेका छन्।
खेलकुद
ठोरीमा भदौ ६ देखि ७ ए–साइड फुटबल प्रतियोगिता संचालन हुने
वीरगंज । ठोरी गाउँपालिका–३, नयाँबस्ती ब्रह्मनगरमा रहेको आईटी कलेज खेल मैदानमा चौथो संस्करणको ७ ए–साइड फुटबल प्रतियोगिता आयोजना हुने भएको छ ।
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
तपाईको प्रतिक्रिया