वीरगन्ज २७ जेठ  ।
वीरगन्ज महानगरपालिकाका नगर प्रमुख विजय कुमार सरावगीले ठुला पार्टीहरुनै लोकतान्त्रीक मुल्यमान्यता  विपरितका काममा लागेको भन्दै गुनासो गरेका छन ।

 केहि राजनीतिक दलले आफनै जनप्रतिनिधिहरु माथी विश्वास र सम्वाद गर्न नसक्दा  बीरगंज महानगरले अनेकौ अप्ठयाराहरु सामना गर्नु परेको बताए । 

नगरपालिकामा जितेको जनप्रतिनिधि माथि विश्वास नगर्नाले महानगरको विकसामा भइरहेका सकारात्मक कार्यहरुको बारेमा नाकारात्मक बाधा उत्पन्न भइरहेको बताउदै नगर प्रमुख सरावगीले करको बारेमा बजारमा चलाइएको अभियान उचित नभएको बताए ।

 महानगरको सभाहलमा अगामि आर्थिक वर्ष २०७६÷०७७ का लागि बनाइने नीति तथा कार्यक्रमका बारे राखिएको सर्वपक्षिय अन्तक्रिया तथा सुझाव संकलन कार्यक्रममा बोल्दै नगर प्रमुख सरावगीले यस्तो असन्तुष्टि धारणा ब्यक्त गरेका हुन ।

बीरगंज महानगरले निर्धारण गरेको करका बिषयमा केही दलले अध्ययन बिनानै बिरोध गरेको चर्चा गर्दै प्रमुख सरावगीले नगरसभाले पारित गरेको निर्णयमा बिरोध गर्ने दलको पनि समर्थन रहेको कुरा बुझन आवशयक भएकोमा जोड दिए ।

उनीहरुलाई आफनो वडा सदस्य तथा वडा अध्यक्ष माथि नै विश्वास छैन प्रमुख सरावगीले भने बिरोधमा उत्रेका दलका प्रतिनिधिहरु नीति बनाउन ब्यस्त हुन्छन नेताहरुले बिरोधको चटक देखाउछन  । 

कार्यक्रममा सहभागीहरुको टिपण्णी तथा सुझाव सुन्दै उनले  विकासको नतिजा आउन शुरु भइसकेको  बताए । । अबको तीन वर्षमा महानगर जुन ट्रयाक बाहिर गएको थियो,पुन ट्रयाकमा फर्केर आउने पनि उनले जिकिर प्रष्ट पारे  ।

बजेट तथा नीति तय गर्दा सबै भन्दा महत्वपूर्ण कुरा स्रोत साधन हुने भएकोले वीरगंज महानगरसंग स्रोत साधन न्यून तर गर्नु पर्ने काम धेरै भएकोले एक दुई वर्ष समस्या आएको उनले बताए । । सडक,शिक्षा र स्वास्थयको क्षेत्रमा आवश्यक जनताको अपेक्षा अनुसार   महानगरपालिकाको काम अगाडि बढी सकेको उनको दावी थियो । 
       अन्तक्रिया कार्यक्रममा उद्योगी अरविन्द खेतानले छोटो र दीर्घकालिन सममयागरिने काम छुटयाई महानगरले त्यस्तो योजना प्राथमिकतामा राखेर जनताको प्रत्यक्ष जीवनसंग जोडिएको कुरा गर्नु पर्ने सझुाव दिए ।उनले  मितेरी पुल र श्रीसिया खोला क्षेत्रमा दिनहु फालिने फोहोरको उचित व्यवस्थापनमा महानगरले
कार्यक्रम ल्याउनु पर्ने सुझाव दिए  ।

इन्जियिनर मुन्ना सर्राफले वीरगंजमा जमिनमुनीको पानीको सतह हरेक वर्ष घटिरहेको र महानगरले चापाकलको योजना जारीनै राखेको प्रति ध्यानाकर्षण गराउदै पानी रिचार्जको व्यवस्थापन तर्फ योजना ल्याउन आग्रह गरे । उनले भवन तथा सडकको नक्सामा पनि त्रुटिपूर्ण भेटिएकोले दक्ष जनशक्ति रबाहिरको परामर्शदाताबाट प्राविधिक सहयोग लिन आग्रह गरे ।

लायन्स क्लबका पूर्व अध्यक्ष(वल्र्ड) सन्जय खेतानले हरेक सरकारी वडामा नागरिक वडा पत्र राख्नु पर्नेसझुाव दिए । उनले महानगरको सेवा र अपेक्षा बारे वर्षमा एक पटक निश्पक्ष सर्भे गराएर जनताको मुडलाई पहिचान गर्नु पर्ने बारेमा पनि सुझाव दिए ।

    नेपाल रेडक्रस सोसाइटी पर्साका अध्यक्ष वीरेन्द्र  राजकडेलले महानगरमा शव बोक्न एम्बुलेन्सको व्यवस्थापन महानगरले मिलाउनु पर्ने बताए । उनले विपद् सम्बन्धी हरेक वडाका वडा विपद् समितिलाई पनि सक्रिय पार्न आग्रह गर्दै ब्लड बैंकको भवनको लागि आवश्यक बजेट छुटयाउन पनि  आग्रह गरे   ।वीरगंजको मुख्य सडक टुटयो भने ब्लड बैंक चाडै सार्नु पर्ने बाध्यता रहेको उनको तर्क थियो ।

वुमन स्कील सेन्टरकी उपाध्यक्ष चन्चला दासले महानगरमा महिला सम्बन्धी कार्यक्रम पुरुष केन्दित संस्थाले गरिरहेको प्रति दुखेसो पोखिन ।उनले महिलाको पीरमर्का वा विषयसंग कार्यक्रम महिला क्षेत्रमा कार्यरत संस्थालाई मात्र दिइनु पर्ने बताइन् ।

साथै,महानगरका योजना कार्यान्वयनमा चरम लापारवाही भएको बताइन् ।उनले महानगरको नो हर्न नो प्लाष्टक भन्ने कार्यक्रम असफलता तर्फ धकेलिएको प्रति ध्यानाकर्षण गराइन् ।उद्योगी गणेश लाठले जनताको अपेक्षा हाइ तर महानगरको गराई फरक आएको बताउनु भयो  ।

महानगरले सरसफाइको क्षेत्रमा पनि सफलता हासिल गर्न नसकेको र कर बुझाउन महानगरवासी उत्साहित नदिेखिएकोले यी कुरा विश्लेषण गरी सहज कर बुझाउने वातावरण बनाउने नीति ल्याउनुपर्ने धारणा उधोगी लाठको रहेको थियो ।वीरगंज कलेजका निर्देशक दिपेन्द्र चौधरीले आइटी क्षेत्रमा २८ हजार संस्था दर्ता रहेकोमा उनीहरुको अनुगमन तथा कसले कति कर तिरीरहको बारेमा खोजीनीति नभएको प्रति ध्यानाकर्षण गराए   ।उनले नगरसभा गृह माहानगरकै स्वामित्वमा सञ्चालन गर्नु पर्ने तथा अडिअर्वा पाखेरीलाई स्तरोन्ति गरी कर उठाउन सकिने बताए ।

पत्रकार केसी लामिछानेले अनुत्पादक क्षेत्र भन्दा उपलब्धी मुलुक क्षेत्र पहिचान गरी लगानी गर्न र केही गौरबको योजना पनि महानगरले लिएर अघि बढनु पर्ने सुझाव दिए ।कार्यक्रमको सहजीरकण एकोराबका महासचिव तथा मेयर सरावगीका प्रेस सल्लाहकार गोविन्द देवकोटाले गरेका थिए ।