वीरगञ्ज ४ असार ।
पर्सा जिल्ला अदालतले असार ३ गते  डा.निलमलाई अहिले बस्दै आएको ससुराको घरबाट अलग बस्न आदेश दिएको छ ।

ससुराको घरमा बस्न गएकी डा.निलमले सासु ससुरालाई कुटपीट गर्ने घर निकाला गर्ने मानसिक यातना दिने गरेको देखिएको भन्दै अदालते डा.निलम र उनको घर पक्षसंगको सम्बन्ध राम्रो नदेखिएकोले उनलाई अलग बस्ने ब्यवस्था मिलाउन आदेश गरेको हो ।

डा.राजेश कुमार साह बुवाबाट अंश लिइ अलग बसेको अवस्था छ । यस्तोमा सासु ससुरा बस्ने घरमा बुहारी बसि रहदा दुबै पक्षको सुरक्षाको बिषय चुनौती पूर्ण देखिएकोले पनि अदालतले डा.निलमलाई अलग बस्न आदेश दिएको हो ।

अदालते उनको भरण पोषणको ब्यवस्था भने पति डा.राजेश कुमारलाई गर्न आदेश दिएको छ । अदालतको यो आदेश आएकै दिन डा.निलम साहले पत्रकार सम्मेलन गरेर श्रीमान माथि अनेकौ आरोप लगाएकी थिइन । त्यस्तै असार ४ गते डा.राजेश कुमार साहले गरेको पत्रकार सम्मेलनमा पुगेर डा. निलम साहले आफना पति माथि अभद्र तथा हिंसात्मक ब्यवहार  गरेकि थिइन । 

पर्सा जिल्ला अदालतले १६ वैशाखमा अन्तरिम संरक्षणात्मक जारी गरेपछि डा. निलम साहले १९ गते  वीरगञ्ज–६ माइस्थानस्थित ससुरा गम्भिा साहको घरमा ताल्चा फोडेर प्रवेश गरेकी थिइन् ।

बुहारीको बिभिन्न खालो उल्टासिधा हरकतका कारण भोली ठुलै दुर्घटनाको शिकार हुने त होइन भन्ने भयले साहले सोही दिन माइस्थानको घरबाट बाहिरिए । त्यो घरमा डा. निलम एक्लै बस्दै आएकी थिइन । निलम साहका पति राजेश कुमार साह पनि  चिक्त्सिक हुन । 

यो वीचमा पर्सामा डाक्टर दम्पतीको घर झगडा सञ्चार माध्यममा छताछुल्ल भयो ।जेष्ठ २३ गते बेलुका डा. निलम का बुवा डा . निरन्जन साहले फोन गरेर सम्धी गम्भिर साहलाई घर फर्कि आउन आग्रह गरेका थिए । उनैको आग्रहमा २४ गते घर पुगेका साहलाई बुहारी डा.निलमले घरमा प्रवेश गर्न दिइनन ।

आफनै घरमा प्रवेश पाउन नपाएका साह परिवारले ताला फोरेर भएपनि घरमा प्रवेश गर्ने निर्णय लिए । साह सोही दिन घरमा प्रवेश गरे त्यो दिन देखी बुहारी डा.निलमले केही न केही निहु झिकेर सासु ससुरालाई दुः ख दिदै आइन । त्यती मात्र होइन  उनको तर्फबाट जिल्ला अदालतमा घरेलु हिंसा सम्बन्धी मुद्धा दर्ता गरिएको छ । त्यही मुद्धामा  अदालतले संरक्षणात्मक आदेश जारी गरेको हो । 

डा राजेशले श्रीमतीमाथि घरेलु हिंसा गरेको तथा दाइजो मागेको दुबै आरोपको  खण्डन गरेका छन। ‘परिवारमा सानातिना नोकझोक हुनु त सामान्य हो तर, हामी दुईबीच विवाह गरेको केहि समयपछि नै सम्बन्ध विग्रन शुरु भयो । त्यसपछि कहिल्यै सुध्रिएन’ उनले भने, ‘विवाह गरेको ५ वर्षमा एक बर्ष पनि राम्रोसँग सँगै बसेको छैन ।’

डा. निलमसँगै बस्न नसक्ने निष्कर्षमा पुगेर सम्बन्ध विच्छेदका लागि अदालत गएको भन्दै उनले न्याय पाउने विश्वास व्यक्त गरे । बरु म मर्न तयार छु तर, डा निलमसँग मेरो जीवन चल्दैन’ उनले भने ।

तर डा. निलमले जीवनभरी डा राजेशसँगै बस्ने बताइन् । परम्परा अनुसार विवाह गरेको छुट्टिएर बस्नका लागि नभई सँगै बस्नका लागि भएको उनको तर्क छ । अध्ययनका कारण अहिले सम्म संगै बस्न नपाएको उनले स्वीकार गरिन ।