बीरगंज ८ भदौ ।
बीरगंज महानगरपालिकाका प्रमुख बिजय सरावगीले पत्रकारिता अध्ययन गर्ने छात्रालाई छात्रवृति उपलब्ध गराउने घोषणा गरेका छन ।

मध्य नेपाल सन्देश साप्ताहिक पत्रिकाको तश्रो वािर्षकोत्सव समारोहलाई सम्बोधन गर्दै प्रमुख सरावगीले महानगरले पत्रकारहरुकोलागि फेलोसिपको समेत ब्यवस्था गरेको जानकारी गराए । उनले भने परिषदबाट पास गरेर राखेका छौ तर कोही पत्रकार आएका छैनन ।

उनले महिलाहरुको संचालन र ब्यवस्थापनमा मध्य नेपाल सन्देश साप्ताहिक रंगीन रुपमा प्रकाशन भएकोमा बधाई ज्ञापन गरे । यो काम पुरुष पत्रकारले गरेको भए पुरुषार्थ भनिन्थ्यो होला उनले भने तर महत्वपूर्ण कामलाई पुरुषार्थ गरिएको भन्ने प्रचलन हो भने महिला पत्रकारहरुले पनि “पुरुषार्थ” गरेको उनले टिप्पणी गरे ।

उनले संचारकर्म आलोचनात्मक हुने कुरालाई स्वाभाविक भने पनि पूर्वाग्रहपूर्ण प्रस्तुतीबाट जोगिनु पर्ने बिचार ब्यक्त गरे । उनले आफनो बारेमा हुने बिरोधका बिषयमा आफू जानकार रहेको चर्चा गरे ।  बिरोध गर्नेहरुलाई, तिनले निर्वाचित गराएर पठाएका जनप्रतिनिधिहरुले महानगरमा के गरिरहेका छन ? झाल पिटेर बसेका छन ? उनीहरुकै सन्दर्भमा खोजपडताल गर्दा बेस हुने सुझाव दिए ।

उनले भने महानगरमा म बिकास गर्न आएको हु बिकासकालागि सबैको सहयोग चाहिन्छ म सहयोग गर्न सबैलाई अपिल गर्छु । नेपाल पत्रकार महासंघ प्रदेश २ का उपाध्यक्ष के.सी लामिछानेले मध्य नेपाल सन्देशले बीरगंजलाई समेत गौरव गर्ने अवस्था सृजना गरेको भन्दै प्रगतीको कामना गरे ।

उनले ब्यवसायीक, भौतीक तथा सामाजिक चुनौतीहरुको सामना गर्दै पत्रकार महिलाहरुले मौलीक प्रस्तुती सहित रंगीन पत्रिका प्रकाशन गरेर अन्यलाई चुनौती दिएको बताए । छोरीलाई सानै देखी घरधन्दा चुला चौका आदि इत्यादीको काम सिकाइने हाम्रो परम्परा रहेको चर्चा गर्दै उपाध्यक्ष लामिछानेले भने “अनुत्पादक र बढी चुनौतीको सामना गर्नु पर्नेमा पेशामा महिलाहरुको सहभागिता त्यो संस्कारका बिरुद्ध भद्र अवज्ञा नै हो । 

कार्यक्रममा बरिष्ठ पत्रकार जगदीश शर्माले  पहिला मध्य नेपाल सन्देश साप्ताहिकका सम्पादक कविता खड्का केही सिक्न आफूकोमा आएको स्मरण गर्दै अव आफू उनीकोमा सिक्न जानु पर्ने अवस्था आएको टिप्पणी गरे ।

अर्का बरिष्ठ पत्रकार चन्द्रकिशोरले मध्य नेपाल सन्देश साप्ताहिकले प्रस्तुत गर्ने मौलीक कन्टेन्टका कारण पत्रकिा पठनीय रहेको बताए । उनले मध्यनेपाल सन्देश साप्ताहिकको अगाडिको यात्रा कठिन भएपनि यो बीरगंजको ओजलाई उजिल्याउन सफल हुने बिश्वास ब्यक्त गरे ।

कार्यक्रममा आफना सन्तानलाई उनीहरुको इच्छा अनुसार नै संचारकर्ममा संलग्न हुन दिने आधार बनाउने सृष्टिकर्ता मध्य नेपाल सन्देश साप्ताहिकका सम्पादक कविता खड्काको आमा रित खड्का र पत्रकार माधुरी महतोको आमा भाग्यवती देवी महतोलाई पत्रकार सन्ध्या पौडेललाई नगद सहित सम्मान गरिएको थियो । 

मध्य नेपाल सन्देश साप्ताहिकका सम्पादक कविता खड्काको अध्यक्षतामा भएको कार्यक्रममा बीरगंज उधोग वाणिज्य संघका उपाध्यक्ष सुवोध गुप्ता,नेपाल पत्रकार महासंघ पर्साका अध्यक्ष श्याम बन्जारा,बरिष्ठ पत्रकार सुर्दशनराज पाण्डे ,समाजसेवी पशुपती बिक्रम शाह श्रीमती मधु राणा लगायतले शुभकामना मन्तब्य ब्यक्त गरेका थिए । पत्रकार लक्ष्मी खरेलले संचालन गरेको कार्यक्रममा पत्रकार माधुरी महतोले स्वागत मन्तब्य ब्यक्त गरेकी थिइन ।