बीरगंज ३० भदौ ।
नेपालको निर्वाचनमा देखिएका बिकृतिका बिषयमा गम्भिर बहस हुन आवश्यक रहेकोमा सरोकारवालाहरुले जोड दिएका छन । नेपाल शान्ति प्रतिष्ठानले बीरगंजमा आयोजना गरेको कार्यशालामा सरोकारवालाहरुले यस्तो बताएका हुन  ।

उनीहरुले पैसाका बलमा टिकट प्राप्त गर्ने र पैसाकै बलमा जीत हासिल गर्नेहरु जनताका वास्तवीक प्रतिनिधि नभएको भन्दै निर्वाचनमा भित्रिएको पैसा संस्कृतिको तिब्र आलोचना गरेका छन । वक्ताहरुले ब्यापारी,ठेकेदार र अन्य पेशामा रहेका पैसावालाहरुले टिकट पाउने उनीहरुलाई टिकट बेच्ने प्रवृतिलाई दलहरुले रोक्नु पर्नेमा जोड दिए ।

उनीहरुले बिचारधारात्मक राजनीतिमा आएको स्खलन र बढदै गएको अनैतीकताका कारण राजनीतिमा निष्ठा इमान त्याग र सर्मपण जस्ता बिषय गौण हुन पुगेको भन्दै चिन्ता ब्यक्त गरेका छन ।

वार्ड अध्यक्षको चुनाव जीत्न लाखौ खर्च भएको मेयर र सासदमा करोडौ खर्च गरेर जीत प्राप्त गरेको पृष्ढभूमीमा आयोजना गरिएको छलफलले निर्वाचनमा देखिएका बिकृत र बिसंगत पाटोलाई नियन्त्रण गर्न नसक्दा लोकतन्त्र नै संकटमा पर्ने भन्दै राजनीतिक दलहरुलाई जिम्मेवजार बन्न सुझाव दिइएको थियो । 

नेपालले अवलम्बन गरेको मिश्रीत निर्वाचन प्रणाली समेत बिकृतिको कारण रहेको भन्दै पूर्ण समानुपातिक वा प्रत्यक्ष निर्वाचन प्रणालीलाई अवलम्बन गर्न वक्ताहरुले सुझाव दिएका थिए । 

कार्यक्रममा निर्वाचनमा देखिएको बिसंगत पाटो र त्यसले ल्याएको परिणामा र त्यसबाट गरिएको अभ्यास निराशाजनक रहेको तर्क वक्ताहरुले गरेका थिए । कार्यक्रममा आधार पत्र प्रस्तुत गर्दै पत्रकार चन्द्रकिशोरले निर्वाचनमा जीतेर आएका जनप्रतिनिधिमा स्रोत र साधानहरु आफनै हुन भन्ने बुझाई देखिएको ब्यक्त गरे जसले द्वण्द्वलाई मलजल गरिरहेको बताए ।

समावेशी र समानुपातिकताले द्वण्द्वलाई ब्यवस्थापन गर्ला र प्रगतीको बाटोमा समाज अगाडि जाला भनेको नयाँ द्वण्द्वहरुको सृजना पो हुन पुग्यो उनले भने यसलाई बेलैमा सच्याउन पर्छ । 

कार्यक्रममा निर्वाचन आयोगका पूर्व आयुक्त डा. बीरेन्द्र शर्माले पनि निर्वाचन प्रणालीमा समस्या रहेको बताए । उनले पूर्ण समानुपातिक निर्वाचन प्रणालीको अवलम्बन गरेर त्यसलाई निर्वाचन क्षेत्र प्रति जिम्मेवार हुने प्रणालीको बिकास गर्न जरुरी रहेको सुझाव दिए ।

कार्यक्रममा नकपाका अध्यक्ष प्रभू हजरा ,नेपाली कांग्रेसका सभापति अजय कुमार द्विवेदी ,समाजवादी पार्टीका अध्यक्ष राम नरेश यादव , नेपाल पत्रकार महासंघका पूर्व उपसभापति जगदीश शर्मा,प्रदेश नं २ का उपाध्यक्ष के.सी.लामिछाने अधिवक्ता कमल मोहन पोख्रेल महिला नेतृहरु सलमा खातुन,ममता महतो मोनिका सिंह र रम्भा मिश्र मुन्नी श्रीवास्तव जिल्ला निर्वाचन कार्यालय प्रमुख रंजिता झा डा. बिश्वम्भर शर्मा डा.कृपासिन्धु चौधरी ,जय नारायण चौधरी लगायतले आफनो बिचार राखेका थिए ।