बीरगंज ३ असोज ।
संघीय लोकतान्त्रिक गणतन्त्रको सम्बिधान दिवसका अवसरमा बीरगंजमा भब्य कार्यक्रम सम्पन्न भएको छ । जिल्ला समन्वय समिति पर्साको आयोजनामा गरिएको कार्यक्रममा बीरगंजमा नागरिकको उल्लेख सहभागिता रहेको थियो ।

 २०७२ जारी भएको असोज ३ गते नेपालको सम्बिधान जारी भएको थियो । त्यही दिनलाई सम्बिधान दिवसको रुपमा मनाउन थालिएको हो । नेपालका बिभिन्न क्षेत्रका नागरिकको अपेक्षा र चाहनालाई सम्बिधानले समेटेको छ ।

संघीय गणतन्त्र,धर्म निरपेक्षता,समावेशीता ,बहुलवाद समाजवाद उन्मुख शासन ब्यवस्था जस्ता बिषयहरु सम्बिधानले संस्थागत गर्ने प्रयास गरेको छ ।

यस अर्थमा सम्बिधान सबै नेपालीले स्वामित्व लिने दस्तावेज भएको भन्दै कार्यक्रममा सहभागिहरुले सम्बिधान प्रति आस्था र निष्ठा राख्नु पर्ने  धारणा ब्यक्त गरेका छन । 

बीरगंजको घण्टाघरबाट निस्केको ¥यालीले बीरगंजको बिभिन्न भागको परिक्रमा गरि घण्टाघर नजिक रहेको बि.पि.उद्यानमा पुगेर सभामा परिणत भएको थियो । सभामा नेकपा तथा नेपाली कांग्रेसका नेताहरु, जनप्रतिनिधहरु नागरिक समाजका बिभिन्न सरोकार समुहका प्रतिनिधिहरु र राष्ट्रसेवक कर्मचारीहरुको तर्फबाट सम्बिधान दिवसको अवसरमा शुभकामना ब्यक्त गरेका थिए । 

जिल्ला समन्वय समिति पर्साका उपसभापति ठाकुर प्रसाद न्यौपानेको अध्यक्षतामा कार्यक्रम भएको हो । 
सत्ता साझोदार समाजवादी पार्टी र राजपाले भने कार्यक्रममा आफनो सहभागिता जनाएनन ।

समाजवादी पार्टीका तर्फबाट निर्वाचित जनप्रतिनिधिहरु पनि कार्यक्रममा सहभागि बनेन । राजपाले भने दिउसो बिरोध जुलुस निकाल्ने तयारी गरेको छ । 

यसैवीच मधेशीजनअधिकार फोरम मधेशका अध्यक्ष भाग्यनाथ गुप्ताको नेतृत्वको एउटा समुहले नेपालको सम्बिधान २०७२ जलाएको थियो । कालो झण्डा सहित बीरगंजको घण्टाघरमा उनको नेतृत्वमा रहेको समुहले सांकेतीक रुपमा सम्बिधान जलाएको हो । सम्बिधान जलाई सकेपछि भने प्रहरीले कालो झण्डा नियन्त्रणमा लिएको थियो ।

सम्बिधान जारी भएकै दिन बीरगंजमा प्रहरीको गोली लागि शत्रुघ्न पटेलको ज्यान गएको थियो । सम्बिधानको बिरोध पनि नगर्ने उत्सव पनि नमनाउने तहमा पुगेको समाजवादी पार्टीले पनि उनको सम्झना गरेको छैन ।

 प्रदेश सरकारको सत्ता साझेदार राजपाले सम्बिधानको बिरोधमा कालो दिवस मनाउने भन्दै बिरोध जुलुस निकाल्ने तयारी गर्दै छ तर पटेलको सम्झनामा कुनै कार्यक्रम भने सार्वजनीक गरेको छैन ।

त्यही सम्बिधान अन्र्तगत चुनाव लडने। जीत्ने,शपथ खाने र सरकारमा समेत सहभागि हुने तर सम्बिधान दिवस नमनाउने मधेश केन्द्रीत दलको निर्णय प्रति भने मधेशमै निकै आलोचना भइरहेको छ । सामाजिक संजालमा दलहरुको यस्तो रबैयाका बिरुद्ध अलोचनात्मक टिप्पणी भाइरल भएको छ ।