७ मंसिर, वीरगञ्ज
नेपाल प्रवेश गर्ने मुख्यद्वार  ‘गेट वे अफ नेपाल’ भनिरे चिनिने शंकराचार्य प्रवेशद्वारमा शनीवार भब्य सफाई कार्यक्रम सम्पन्न भएको छ । बीरगंज रक्सौल वीचमा रहेको मितेरी पुल नजिक शंकराचार्य गेट र आसपासको क्षेत्रमा शनिबार बिहान सरसफाई गरिएको हो । 

‘भोलुन्टर’ नामक वीरगञ्जका सचेत तन्नेरी आवद्ध समूहको आव्हानमा सरसफाई कार्यक्रम राखिएको थियो । सरसफाईमा जुटेका तन्नेरी अभियानकर्मीलाई वीरगञ्ज महानगरपालिकाले समेत साथ दिएको थियो ।

महानगरपालिकाको सफाई साझेदार एनके इन्टरनेशनल र महानगरले नाका क्षेत्र सफाईका लागि बु्रमर, दमकल सहित केहि सरसफाईकर्मी पठाएको अभियन्ताले बताएका छन् । सरसफाईका क्रममा सडकमा जथाभावी फालिएको प्लाष्टिक टिपिएको छ । ब्रुमर लगाएर धुलो टिप्नुको साथै पानी हालेर धुलो नउड्ने बनाईएको छ । 
समूहमा वीरगञ्जका १८ जना तन्नेरी आवद्ध छन् । उनीहरुले गत साता पनि नाका सफाई कार्यक्रम राखेका थिए ।

भ्रमणवर्षलाई गिज्याउनेगरी यसअघि नाका प्रदुषित र दुर्गन्धित थियो 

शंकराचार्य गेटदेखि मितेरी पुलसम्मको सडक जीर्ण हुनुको साथै वीरगञ्ज महानगरपालिकाले सडक र सिर्सिया नदीको किनारमा फोहोर फाल्दै आएको थियो । जसले गर्दा नाका हुँदै नेपाल आउने पाहुनालाई धुलो र दुर्गन्धले स्वागत गर्ने गरेको छ । 

भोलुन्टर ग्रुपका संयोजक राजन श्रीवास्तवले दुई साताको मेहनत पछि नाकाको अवस्थामा केहि सुधार आएको बताउनु भयो । “भ्रमण वर्ष २०२०  पूर्व सन्ध्यामा छौं, विश्व प्रसिद्ध गढीमाई मेला शुरु भईसकेको छ । लाखौं धार्मिक पर्यटक अब यही नाकाबाट आउँछन् ।

तर नाकाको अवस्था प्रदुषणले नाजुक थियो । श्रीवास्तवले भन्नुभयो  ‘ त्यसैले सरसफाई अभियान शुरु गरेका हौं, दुई सातामा आउँदा सबै पक्षबाट राम्रो सहयोग मिलेको छ । नाकाको सफाईमा सुधार आएको भन्दै स्थानीय दंग छन् ।’ 

महागरपालिकाले सडकको दायाँ बाँया किनारमा फोहोर नगर्ने र नियमित सफाई गर्ने आश्वासन दिएको उनको भनाई छ । ‘महानगरपालिकाका जिम्मेवार अधिकारीले नियमित सफाई गर्छौ, फोहोर फाल्दैनौं भनेका छन् । निरन्तर फलोअप गर्छौ ।’ श्रीवास्तवले अगाडी भने ‘ बिहान बाहिरबाट भ्रमणका लागि आएका विद्यार्थी र अन्य पाहुना खुशी भएर गएका छन् ।’

नुवाकोटबाट वीरगञ्ज आएका शंकर न्यौपानेले ‘गेट वे अफ नेपाल’ सफा हुनु गौरबको विषय भएको बताए । ‘ अति नै गौरबको कुरा हो, सन २०२० लाई सरकारले भ्रमण वर्षको घोषणा गरेको छ । यो सीमा नाका हो । ईज्जतको सवाल छ । ’ न्यौपानेले भने ‘ पहिला आउँदा सफा थिएन, अहिले निकै राम्रो देखे । ’

नेपाल भित्रिने पर्यटकलाई नाकादेखि नै मनमोहित बनाउन नका क्षेत्र सफा र मनोरम हुनुपर्ने तर्क उनको छ ।
सो समुहमा श्याम सरार्फ, करण यादव, राजा रौनियार, बिनय गुप्ता, कम्लेश कुश्ववाहा, नुतन सरावगी, सुशिला पौडेल, देवेस गुप्ता, अनिल हजरा, सेशकुमार हजरा, बिक्की सरार्फ, अनिस कुश्वाहा, किस्सु सरार्फ लगायत १८ जनाको सक्रियता रहेको छ ।