भारतीय सुरक्षाकर्मीको लापरवाहीका कारण लकडाउनमै गाउँ फर्किए चन्द्रनगरका नेपालीहरु
बीरगंज २९ चैत ।
भारतले सीमा क्षेत्रमा परिचालन गरेको भारतीय सुरक्षाफौजको सुरक्षा घेरालाई तोडेर आफनो गाउँ आइपुगेका सर्लाहीको चन्द्रनगरका ५३ जनालाई क्वारेन्टिनमा राखिएको छ ।
भारतीय सुरक्षाकर्मीको लापरवाहीका कारण उनीहरु नेपाल प्रवेश गर्न सफल भएका हुन । जुन देशको नागरिक जाहा छ त्यही राखिने सरकार प्रमुख स्तरको सहमतीको बर्खिलाप हुने गरि भारतले सीमामा कडाई नगर्दा उनीहरु नेपाल प्रवेश गरेका हुन ।
यही सहमतीका कारण नेपाल भारत दुबै तर्फ क्वारेन्टिन निर्माण गरेर नागरिकहरुलाई राखिएको छ । बीरगंजको ठाकुराम बहुमुखी क्याम्पसमा बनाइएको क्वारेन्टिनमा डेढ सय भन्दा बढी भारतीय नागरिकहरुलाई राखिएको छ । रक्सौलमा रहेको क्वारेन्टिनमा १५ जना नेपाली रहेका छन ।
जिल्लाको दक्षिण–पूर्वी भेगमा पर्ने चन्द्रनगरमा शनिबार बिहानसम्म ५३ जना भारतबाट हिँडेरै गाउँ आइपुगेको हुन । गाउँपालिकाले उनीहरु सबैको पहिचान गरि क्वारेन्टिनमा राख्ने काम गरिरहेको गाउँपालिका अध्यक्ष महेन्द्र महतोले जानकारी दिनु भयो ।
शुक्रवार बेलुकासम्म ४७ जना आएकोमा शनिवार बिहान ६ जना थपिएका हुन् ।चन्द्रनगरसँगै ईश्वरपुर, हरिपुर, चक्रघट्टा र छिमेकी जिल्ला महोत्तरीको गौशालाका समेत केही मानिस सँगै आएका पाइएको गाउँपालिका अध्यक्ष महतोले बताउनु भयो ।
उहाँले अझै केही मानिस कोभिड–१९ अर्थात कोरोना भाइरस फैलिरहेको भारततर्फबाट आइरहेको सूचना पाएपछि जोखिम बढ्नुका साथै यहाँ आएपछि कहाँ राख्ने भन्ने चिन्ता थपिएको बताउनु भयो ।
लकडाउनकै समयमा भारतकोे कोरोना संक्रमित क्षेत्रबाट मजदुरहरु गाउँँ भित्रियपछि स्थानीयबासी त्रसित भएको गापा अध्यक्ष महतोले जानकारी दिनु भयो । अझै भारतमा काम गर्न गएका सयौं मजदुर हिँँडेर आईरहेको खबर पाएको अध्यक्ष महतोको भनाई छ ।
लुकिछिपी गाउँ आएकाहरुबाट कोरोना फैलीने जोखिम हुने भएकाले क्वारेन्टाइनमा बसिदिन चिकित्सकले आग्रह गरिरहेका छन् ।
जिल्लाको खुला सीमा नाकामा नेपाल प्रहरी र सशस्त्र प्रहरी खटिएर गस्ती गरिरहे पनि उखु बारी, खेतको आली खोलाबाट मानिस आइरहेका छन। त्यसरी आउनेलाई रोक्न भारतीय अधिकारीसँग समन्वय भइरहेको सर्लाहीका प्रमुख जिल्ला अधिकारी मोहनबहादुर जिसीले बताउनु भयो ।तर भारतीय सुरक्षा निकायले यसलाई गम्भिरता पूर्वक लिएको छैन बरु नेपालबाट कोरोना भाइरसको संक्रमण फैलाउने योजना बनाएको भन्दै नेपाल र नेपालीलाई आरोप लगाउने गलत काम गर्दै आएको छ ।
सम्बन्धित शीर्षकहरु
सीमापारी/अन्तराष्ट्रिय
अभियन्ता चौधरीलाई ‘ग्लोबल एन्टी रेसिजम च्याम्पेनसिप अवार्ड’
वाशिङ्गटन डिसी । नेपालकी सामाजिक अभियन्ता उर्मिला चौधरीे ग्लोबल एन्टी रेसिजम च्याम्पेनसिप अवार्डद्वारा सम्मानित भएकी छिन ।
दिल्लीमा आतिशीले लिइन मुख्यमंत्रीको शपथ,केजरीवालको निर्देशनमा दिल्लीका जनताको काम गर्ने प्रतिवद्धता ब्यक्त
दिल्ली । आम आदमी पार्टीकी विधायक आतिशी मार्लेनाले शनिबार साँझ दिल्लीको आदिल्ली सिथ्त राजभवनमा आयोजित समारोहमा दिल्लीका लेफ्टिनेन्ट गभर्नर वीके सक्सेनाले आतिशी मार्लेनालाई पदको शपथ दिलाएका थिए ।
भारतीय कम्युनिस्ट पार्टी (मार्क्सवादी) का महासचिव येचुरीको निधन
भारतीय कम्युनिस्ट पार्टी (मार्क्सवादी) का महासचिव सीताराम येचुरीको ७२ वर्षको उमेरमा निधन भएको छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
ठगीको आरोपमा लहानबाट मलेसियन नागरिकसहित चार जना पक्राउ
गोलबजार । सिराहको लहानबाट प्रहरीले एक मलेशियन नागरिकलाई गिरफ्तार गरेको छ ।
ठगीको आरोपमा लहानबाट मलेसियन नागरिकसहित चार जना पक्राउ
गोलबजार । सिराहको लहानबाट प्रहरीले एक मलेशियन नागरिकलाई गिरफ्तार गरेको छ ।
खेलकुद
क्रिकेट संघको तेश्रो साधारण सभा सम्पन्न ,क्रिकेटको बिकासकालागि प्रदेश सरकार कटिबद्ध छः मंत्री जयसवाल
बीरगंज । मधेश प्रदेश क्रिकेट संघको तेश्रो बार्षिक साधारण सभा आइतबार बीरगंजको सम्पन्न भएको छ ।
संघीय र प्रदेशमंत्रीद्वारा नारायणी रंगशालाको निरिक्षण,पूर्ननिर्माणको प्रतिवद्धता
बीरगंज । संघीय सरकारका खेलकुद मन्त्री तेजुलाल चौधरी र मधेश प्रदेश सरकारका खेलकुद मन्त्री प्रमोद जयसवाल सहितको टोलीले आज वीरगन्जको नारायणी रंगशालाको निरीक्षण गरेको छ ।
तपाईको प्रतिक्रिया